ઇમર્જિંગ એશિયા કપ ફાઇનલ મેચ આજે ભારત-પાકિસ્તાનની ફાઇનલમાં ટકરાશે.અત્યાર સુધી શાનદાર પ્રદર્શન કરનાર ભારત-A ટીમ ઇમર્જિંગ એશિયા કપ ક્રિકેટ ટુર્નામેન્ટની ફાઇનલમાં તેના કટ્ટર હરીફ પાકિસ્તાન-A સામે ખિતાબના પ્રબળ દાવેદાર તરીકે ઉતરશે. બપોરે 2 વાગ્યાથી સ્ટાર સ્પોર્ટ્સ નેટવર્ક અને ફેનકોડ એપ પર મેચનું જીવંત પ્રસારણ કરવામાં આવશે.
નિશાંત સિંધુ 10 વિકેટ સાથે ભારત માટે ટુર્નામેન્ટનો સૌથી સફળ બોલર છે. ટીમ ઈન્ડિયા અજેય રહી છે જ્યારે પાકિસ્તાન પોતાની એકમાત્ર મેચ ભારત સામે હારી ગયું છે.ટોસ અડધો કલાક વહેલો એટલે કે દોઢ વાગ્યે થશે. ભારતીય ટીમ પણ ઉચ્ચ મનોબળ સાથે આ મેચમાં ઉતરશે કારણ કે તેણે લીગ રાઉન્ડમાં પાકિસ્તાનને હરાવ્યું હતું. આ ઉપરાંત ટીમ ટુર્નામેન્ટમાં અત્યાર સુધી અજેય રહી છે.
ભારતીય ટીમે પાકિસ્તાનને કોઈપણ રીતે ઓછું આંકવું જોઈએ નહીં કારણ કે તેમની ટીમમાં ઘણા એવા ખેલાડીઓ છે જેમને આંતરરાષ્ટ્રીય મેચો અને પાકિસ્તાન સુપર લીગ રમવાનો અનુભવ છે. ઓલરાઉન્ડર મોહમ્મદ વસીમ, કેપ્ટન મોહમ્મદ હરિસ, ઓપનર સાહિબજાદા ફરહાન અને ઝડપી બોલર અરશદ ઈકબાલ પાસે આંતરરાષ્ટ્રીય ક્રિકેટ રમવાનો અનુભવ છે જ્યારે અમાદ બટ્ટ અને ઓમર યુસુફે પાકિસ્તાન સુપર લીગમાં પોતાની યોગ્યતા સાબિત કરી છે.
બાંગ્લાદેશ સામેની સેમિફાઇનલમાં એક તબક્કે ટીમને મુશ્કેલીમાં મૂકી હતી. ભારતીય ટીમ 211 રનમાં સમેટાઈ ગઈ હતી. આ પછી બાંગ્લાદેશે 18મી ઓવરમાં એક વિકેટે 94 રન સાથે મુશ્કેલીમાં મૂકી દીધા હતા. ભારતના મોટાભાગના ખેલાડીઓએ અત્યાર સુધી યોગદાન આપ્યું છે અને તેઓ પાકિસ્તાન સામે પોતાનું સારું ફોર્મ ચાલુ રાખવા માટે કોઈ કસર છોડશે નહીં.
