ઓલા ઈલેક્ટ્રીકએ જણાવ્યું કે S1 એર ઈલેક્ટ્રિક સ્કૂટરની ખરીદી માટે ઘણા લોકો આતુરતાથી રાહ જોઈ રહ્યા છે. ઇલેક્ટ્રિક સ્કૂટરની ખરીદીની વિન્ડો 28 જુલાઈથી ખોલવામાં આવશે. કંપનીએ કહ્યું છે કે ઓલા એસ1 એરની ડિલિવરી ઓગસ્ટની શરૂઆતથી શરૂ થશે.
ઓલા એસ1 એરની લાંબા સમયથી રાહ લોકો જોઈ રહ્યા છે. ખાસ કરીને તેની તુલનાત્મક રીતે ઓછી કિંમતને કારણે માત્ર તેના હરીફોની સરખામણીમાં જ નહીં પરંતુ Ola ઈલેક્ટ્રિક સ્કૂટરના અન્ય વર્ઝનની સરખામણીમાં. કંપનીએ કહ્યું છે કે ઓલાયો 28 જુલાઈ પહેલા પણ બુકિંગ કરી શકે છે અને તેની પ્રારંભિક કિંમત રૂ. 1.09 લાખ આસપાસ રહેશે, મર્યાદિત ખરીદી વિન્ડો 28 અને 30 જુલાઈની વચ્ચે ખુલ્લી રહેશે જ્યારે તે પછી ખરીદદારોએ સ્કૂટર માટે રૂ. 1.20 લાખ એક્સ-શોરૂમ ચૂકવવા પડશે.
આ સ્કૂટર એક સંપૂર્ણ ચાર્જ પર લગભગ 125 કિલોમીટરની રેન્જ ઓફર કરવાનો દાવો કરે છે. તેની ટોપ સ્પીડ 90 કિલોમીટર પ્રતિ કલાક છે જ્યારે આ આંકડાઓ Ola S1 અને Ola S1 Pro કરતા ઓછા પ્રભાવશાળી હોઈ શકે છે, તે નોંધવું અગત્યનું છે કે કંપની વધુ સસ્તું સંસ્કરણ સાથે બજારનો મોટો હિસ્સો મેળવવા માંગે છે.
ઓલાના પ્રવક્તાએ એક નિવેદનમાં જણાવ્યું હતું કે, S1 અને S1 Proની સફળતાએ દેશમાં ઇલેક્ટ્રીક વાહનોને મુખ્ય પ્રવાહમાં લાવ્યા છે. અમને વિશ્વાસ છે કે S1 એરનો પ્રવેશ ટૂંક સમયમાં ભારતના સ્કૂટર ઉદ્યોગમાં ICE યુગનો અંત ચિહ્નિત કરશે,”
