ઈમ્ફાલ: સરહદી રાજય મણીપુરમાં હિંસા રોકવાનું નામ લેતી નથી અને ફરી એક વખત રાજયના વિષ્ણુપુર જીલ્લામાં મૈતેઈ સમુદાયના દેખાવકારો અને સુરક્ષાદળો વચ્ચેની અથડામણમાં 3 લોકો માર્યા ગયા છે અને અનેક ઘવાયા છે તો બીજી તરફ ફરી એક વખત કુકી સમુદાયના ગામો પર થયેલ હુમલામાં અનેક ઘરોને આગ ચાપવામાં આવી હતી અને લુટ ચલાવાઈ હતી.
બીજી તરફ વિષ્ણુપુર ક્ષેત્રમાં હાઈસિકયોરીટી ક્ષેત્રમાં આવેલા સેક્ધડ ઈન્ડીયન રીઝર્વ બટાલીયનના હેડકવાટર પર 500 લોકોના ટોળાએ હુમલો કરી મોટી સંખ્યામાં શસ્ત્રો તથા કારતૂસો લુટી ગયા હતા. આરોપને પાછળ ધકેલવા 327 રાઉન્ડ ગોળીબાર તથા ટીયરગેસના 20 શેલ છોડવામાં આવ્યા હતા પરંતુ 298 રાઈફલ ઉપરાંત લાઈટ મશીન ગન, મોર્ટાર, ગ્રેનેડ તથા 16000 રાઉન્ડ કારતૂસ લુટીને નાસી ગયા હતા. તા.3 માર્ચથી હિંસા ફાટી નીકળ્યા બાદની આ સૌથી મોટી શસ્ત્ર લુંટ હોવાનું માનવામાં આવે છે.
મણીપુરના ડીજીપી રાજીપસિંઘે પણ આ મોટી લુંટ પર આશ્ર્ચર્ય વ્યક્ત કર્યો હતો અને દાવો કર્યો કે અનેક શસ્ત્રો પરત મેળવી લેવાયા છે પણ તેઓએ માહિતી આપવાનો ઈન્કાર કર્યો હતો. અગાઉ પણ રાજયમાં હથિયાર લુંટાવાની ઘટનાઓ બની છે અને તેઓ આ પ્રકારની લુંટને ગંભીરતાથી લઈ રહ્યા હોવાનું જણાવીને કહ્યું કે આ હવે શસ્ત્રો સલામત કરવા માટે નવી પદ્ધતિ અમલમાં મુકાશે.
મૈતેઈ ટોળા પર સુરક્ષાદળોનો ગોળીબાર: ત્રણના મોત: અનેક ઘાયલ
મણીપુરમાં મૈતેઈ સમુદાય અને સશકત દળો વચ્ચેની અથડામણમાં આ સમુદાયના ત્રણ લોકો માર્યા ગયા હતા અને અનેક ઘાયલ થયા હતા. મૈતેઈ સમુદાયના લોકો એક કુકી ગામ પર હુમલો કરવા પહોંચ્યા હતા અને ગામમાં અનેક મકાનો સળગાવવા પ્રયાસ કર્યા તેમને રોકવા સશક્ત દળોએ ગોળીબાર કરતા ત્રણના મોત થયા છે. જો કે તે પુર્વે તેઓએ એક ગામમાં અનેક ઘરોને સળગાવી દીધા હતા.
