ફેન્સ સની દેઓલની ‘ગદર 2’ની આતુરતાથી રાહ જોઈ રહ્યા હતા. આ ફિલ્મ રિલીઝ થતાની સાથે જ ફેમસ થઈ ગઈ હતી. ફિલ્મ જોવા માટે મોટી સંખ્યામાં લોકો પહોંચી રહ્યા છે. તારા સિંહ અને સકીનાની આગળની વાર્તા ‘ગદર 2’માં બતાવવામાં આવી રહી છે, જે લોકોના દિલ જીતવામાં સફળ રહી છે. આ ફિલ્મે 300 કરોડનો આંકડો પાર કરી લીધો છે. સની દેઓલ આ ફિલ્મને લઈને સતત ચર્ચામાં છે. સની દેઓલ ફિલ્મ રીલિઝ થયા પછી પણ પ્રમોશનમાં વ્યસ્ત જોવા મળે છે, પરંતુ હવે સની દેઓલ વિશે એવા સમાચાર સામે આવી રહ્યા છે જેને સાંભળીને તમારા કાન ઉભા થઈ જશે. કહેવામાં આવી રહ્યું છે કે સની દેઓલના ઘરની હરાજી થવાની છે.
થઈ રહી છે સની દેઓલના ઘરની હરાજી
‘ગદર 2’ એક્ટર સની દેઓલની જુહુ વિલા હરાજી માટે તૈયાર છે. આ વિલાનું નામ સની વિલા છે. કહેવામાં આવી રહ્યું છે કે સની દેઓલ પર 55 કરોડ રૂપિયાનું દેવું છે. આ લોન અને વ્યાજની વસૂલાત માટે બેંક ઓફ બરોડા દ્વારા તેમના સની વિલાની હરાજી કરવામાં આવી રહી છે. હરાજીની તારીખ પણ સામે આવી ગઈ છે જેની જાહેરાત પણ અખબારોમાં આપવામાં આવી રહી છે. તે મુજબ, હરાજી 25 સપ્ટેમ્બરે રૂ. 51.43 કરોડની અનામત કિંમતે શરૂ થશે.
જાહેરાતમાં લખવામાં આવ્યું છે સની દેઓલનું નામ
સામે આવેલી જાહેરાતમાં, અજય સિંહ દેઓલ ઉર્ફે સની દેઓલનું નામ ઉધાર લેનાર/જામીનદાર તરીકે આપવામાં આવ્યું છે. સની વિલા નામનું આ રહેઠાણ ઉત્તર મુંબઈના જુહુમાં ગાંધી ગ્રામ રોડ પર આવેલું છે. અભિનેતા હાલમાં દુબઈમાં તેની ફિલ્મ ‘ગદર 2’નું પ્રમોશન કરી રહ્યો છે. કહેવામાં આવી રહ્યું છે કે આ પછી તે લંડન જવાની તૈયારી કરી રહ્યા છે.
મુશ્કેલીઓ વિશે વાત કરી ચુક્યા છે સની દેઓલ
સની દેઓલે ઘણા પ્રસંગોએ પોતાના સંઘર્ષના દિવસો વિશે ખુલીને વાત કરી છે. અગાઉ પણ તેમણે ખુલાસો કર્યો હતો કે બોબી દેઓલને લોન્ચ કરતી વખતે તે ફિલ્મ ઉદ્યોગના મોટા નામોનો ટેકો મેળવવા માટે સંઘર્ષ કરી રહ્યા હતા. તેમણે કહ્યું કે કોઈ ફિલ્મમેકર બોબીને કાસ્ટ કરવા તૈયાર ન હતા, આ સિવાય ઘણી ફિલ્મો સતત ફ્લોપ થયા બાદ જંગી દેવાનો મામલો પણ સામે આવ્યો હતો.
લોકોને પસંદ આવી રહી છે સનીની ફિલ્મ
તમને જણાવી દઈએ કે, 11 ઓગસ્ટના રોજ સની દેઓલની મોસ્ટ અવેટેડ ફિલ્મ ‘ગદર 2’ સિનેમાઘરોમાં રિલીઝ થઈ. ફિલ્મને સારો પ્રતિસાદ મળી રહ્યો છે. મેકર્સ અને સની દેઓલે લાંબા સમય પહેલા ફિલ્મનું પ્રમોશન શરૂ કરી દીધું હતું. 22 વર્ષ પછી લોકો ‘ગદર’નો બીજો ભાગ જોવા માટે આતુરતાથી રાહ જોઈ રહ્યા હતા.
