વડાપ્રધાનની લોકપ્રિય સહિત આગામી લોકસભાની ચૂંટણી સંદર્ભે ઇન્ડિયા ટુડે અને સી વોટરના સર્વે મુજબ દેશનો મિજાજ શુ છે તે જાણવાન પ્રયત્ન કર્યો હતો એમાં સૌથી લોકપ્રિય વડાપ્રધાન તરીકે નરેન્દ્ર મોદીને લોકોએ પસંદ કર્યો છે,જયારે તેમની સરખામણીમાં જવહારલાલ નહેરૂને માત્ર છ ટકા લોકોએ જ પસંદ કર્યા છે. સર્વેક્ષણમાં, લોકોને પૂછવામાં આવ્યું હતું કે અત્યાર સુધીનો શ્રેષ્ઠ વડા પ્રધાન કોણ છે? આના પર, નરેન્દ્ર મોદીને સૌથી વધુ મતના 43 ટકા મળ્યા. ઈન્દિરા ગાંધીને 15 ટકા મત મળ્યા, અટલ બિહારી વાજપેયીને 12 ટકા, મનમોહન સિંહને 11 ટકા અને જવાહરલાલ નહેરુને છ ટકા મતો મળ્યા.
આ સિવાય કે એક સવાલ પૂછવામાં આવ્યો કે શું મોદી સરકારમાં ભ્રષ્ટાચારમાં ઘટાડો થયો છે? આના પર, 54 ટકા લોકોએ હા જવાબ આપ્યો. ઉપરાંત, આગામી વડા પ્રધાનને કોને ગમે છે? નરેન્દ્ર મોદીએ આ અંગે ફરીથી જીત મેળવી છે. 52 ટકા લોકોએ નરેન્દ્ર મોદીનું નામ લીધું, જ્યારે 16 ટકા લોકોએ રાહુલ ગાંધીનું નામ આપ્યું છે. સર્વેક્ષણમાં સવાલ પૂછવામાં આવ્યો હતો કે દેશના શ્રેષ્ઠ મુખ્ય પ્રધાન કોણ છે. આમાં, સીએમ યોગી આદિત્યનાથને 43 ટકા, અરવિંદ કેજરીવાલ 19 ટકા, મમ્મતા બેનર્જી 9 ટકા, એમ.કે. સ્ટાલિન છ ટકા અને નવીન પટનાઇકને ત્રણ ટકાનો મત આપવામાં આવ્યો છે.
દેશના અત્યાર સુધીના લોકપ્રિય વડાપ્રધાન તરીકે નરેન્દ્ર મોદી મોખરે
