સિંગાપોરમાં જન્મેલા ભારતીય મૂળના અર્થશાસ્ત્રી થર્મન શનમુગરત્નમે શુક્રવારે રાષ્ટ્રપતિની ચૂંટણી જીતી લીધી હતી. તેમણે 2011 પછી પ્રથમ વખત યોજાયેલી રાષ્ટ્રપતિની ચૂંટણીમાં ચીની મૂળના બે હરીફોને હરાવ્યા હતા. 2011 થી 2019 સુધી સિંગાપોરના નાયબ વડા પ્રધાન રહેલા 66 વર્ષીય શનમુગરત્નમને 70.4 ટકા મત મળ્યા જ્યારે તેમના હરીફ એન. કોક સોંગ અને ટેન કિન લિયાનને અનુક્રમે 15.7 ટકા અને 13.8 ટકા વોટ મળ્યા હતા. ચૂંટણી પંચના પ્રવક્તાએ આ જાણકારી આપી.
વડા પ્રધાન લી સિએન લૂંગે રાષ્ટ્રપતિની ચૂંટણી જીતવા બદલ શનમુગરત્નમને અભિનંદન પાઠવ્યા હતા. તેમણે કહ્યું, “સિંગાપુરવાસીઓએ નિર્ણાયક માર્જિનથી શ્રી થર્મન શનમુગરત્નમને અમારા આગામી રાષ્ટ્રપતિ તરીકે ચૂંટ્યા છે. રાષ્ટ્રના વડા તરીકે તેઓ દેશ-વિદેશમાં આપણું પ્રતિનિધિત્વ કરશે.” જુરોંગ ફૂડ સેન્ટરમાં તેમના સમર્થકોમાં, શનમુગરત્નમે કહ્યું હતું કે તેઓ સિંગાપોરિયનો તરફથી મળેલા “મજબૂત સમર્થન માટે ખરેખર આભારી છે”. તેમણે કહ્યું, “હું આ મતથી અભિભૂત છું – આ મત માત્ર મારા માટે નથી, તે સિંગાપોરના ભવિષ્ય માટે, આશાવાદ અને એકતાના ભાવિ માટેનો મત છે.
ચેનલ ‘ન્યૂઝ એશિયા’એ શનમુગરત્નમને ટાંકીને કહ્યું હતું કે, “સિંગાપોરના લોકોએ મારામાં મૂકેલા વિશ્વાસનું હું સન્માન કરીશ, અને હું તમામ સિંગાપોરના લોકોનો પણ આદર કરીશ, સિંગાપોરમાં 2011 પછી આ પ્રથમ રાષ્ટ્રપતિની ચૂંટણી હતી. દેશની સંસ્કૃતિને વિશ્વમાં “ચમકતી” રાખવાના સંકલ્પ સાથે શનમુગરત્નમે ગયા મહિને ઔપચારિક રીતે તેમના રાષ્ટ્રપતિ અભિયાનની શરૂઆત કરી હતી. 2001માં રાજકારણમાં પ્રવેશેલા શનમુગરત્નમે બે દાયકા કરતાં વધુ સમયથી સત્તાધારી પીપલ્સ એક્શન પાર્ટીસાથે જાહેર ક્ષેત્ર અને મંત્રી પદ સંભાળ્યું છે. સિંગાપોરમાં રાષ્ટ્રપતિ પદ માટે પ્રથમ ચૂંટણી 28 ઓગસ્ટ 1993ના રોજ યોજાઈ હતી.
