રણબીર કપૂર આજે પોતાનો જન્મદિવસ ઊજવી રહ્યો છે. બોલિવૂડ સેલેબ્સ, તેમના ફેન્સ અને પરિવાર ઉપરાંત, આલિયા ભટ્ટે પણ તેને સોશિયલ મીડિયા પર અને તે પણ ખાસ રીતે શુભેચ્છા પાઠવી છે. આલિયાએ કેટલીક ખાસ અનસીન તસવીરો શેર કરી છે, જેમાં આલિયા રણબીર સાથે ખાસ પળો માણતી જોવા મળી રહી છે. આ પોસ્ટનું કેપ્શન પણ એકદમ અનોખું છે, જેમાં આલિયાએ રણબીરને એક્સપોઝ કર્યો છે.
આ પોસ્ટ શેર કરતી વખતે, આલિયાએ કેપ્શનમાં લખ્યું – મારો પ્રેમ, મારા ખાસ મિત્ર, મારી ખુશીની જગ્યા…હવે જ્યારે તમે મારી બાજુમાં બેઠા હોવ અને તમારા સિક્રેટ એકાઉન્ટમાંથી આ કેપ્શન વાંચી રહ્યા હોવ… તો જ હું એટલું જ કહી શકું છું. ..જન્મદિવસની શુભેચ્છા બેબી…તમે બધું જ જાદુઈ બનાવી દીધું છે.
આ પોસ્ટના કેપ્શન પરથી સ્પષ્ટ થાય છે કે રણબીર કપૂર સોશિયલ મીડિયા પર છે પરંતુ ગુપ્ત રીતે. જ્યાંથી તે બધા પર ચાંપતી નજર રાખે છે. હવે બોલિવૂડ સેલેબ્સ પણ આ પોસ્ટ પર ઘણી કોમેન્ટ કરી રહ્યા છે અને પોતાની પ્રતિક્રિયા આપી રહ્યા છે અને રણબીરને જન્મદિવસની શુભેચ્છા પાઠવી રહ્યા છે.
રણબીરના જન્મદિવસ પર ‘Animal’ ટીઝર શેર કરાયું
રણબીર કપૂરના જન્મદિવસના અવસર પર ફિલ્મ એનિમલનું ટીઝર પણ શેર કરવામાં આવ્યું છે, જેને જોયા બાદ દરેક લોકો રણબીરના વખાણ કરતા જોવા મળે છે. નામની જેમ જ ફિલ્મની પહેલી ઝલક પણ ખરેખર દમદાર છે, જેમાં રણબીર તેની પહેલા ક્યારેય ન જોયેલી સ્ટાઈલ બતાવી રહ્યો છે. આજથી પહેલા રણબીર ક્યારેય કોઈ ફિલ્મમાં આટલો ઉગ્ર દેખાતો નહોતો. હકીકતમાં, તેણે સ્ક્રીન પર હંમેશા ચોકલેટી પાત્રો ભજવ્યા અને દર્શકોએ તેને આ ભૂમિકાઓમાં ઘણો પ્રેમ આપ્યો. પરંતુ છેલ્લા કેટલાક સમયથી તે પોતાની જાત પર પ્રયોગ કરી રહ્યો છે. જ્યારે તે શમશેરામાં કંઇક અલગ કરતો જોવા મળ્યો હતો, ત્યારે એનિમલની ચર્ચા ઘણા સમયથી ચાલી રહી હતી. અને હવે જ્યારે ફિલ્મની પહેલી ઝલક સામે આવી છે ત્યારે લોકો તેને જોયા પછી વખાણ કરતા થાકતા નથી.
