દિલ્હીથી વડોદરા સુધીની સફર સામાન્ય રીતે 16 કલાકની હોય છે. આટલું જ નહીં આ રુટ પર સૌથી ઝડપે દોડતી ટ્રેન તેની યાત્રા 12 કલાકમાં પૂર્ણ કરે છે પણ હવે દિલ્હી-મુંબઈ એક્સપ્રેસ વે આ યાત્રા માત્ર 10 કલાકમાં પૂર્ણ થઇ જશે આ એક્સપ્રેસ વેના બીજા ભાગનું આજે પીએમ મોદી ઉદઘાટન કરવાના છે, જે રાજસ્થાનથી ગુજરાત સુધી બનેલો છે. તેનો ત્રીજો ભાગ વડોદરાથી મુંબઈ વચ્ચે હશે. આ રુટની સૌથી ઝડપી મુંબઈ સેન્ટ્રલ તેજસ રાજધાની એક્સપ્રેસ ટ્રેન 10 કલાક 45 મિનિટમાં યાત્રા પૂરી કરે છે. આ ઉપરાંત ગાડીઓ 12થી 15 કલાકનો સમય લે છે.
બાય રોડ આ સફર અત્યાર સુધીમાં 18થી 20 કલાકમાં પૂર્ણ થતી હતી, જે હવે માત્ર અડધી જ રહી જશે. દિલ્હીથી સોહના, દૌસા, લાલસોટ, સવાઈ માધોપુર, કોટા, રતલામ, દાહોદ અને ગોધરાના માર્ગે આ એક્સપ્રેસ વે 10 જ કલાકમાં મુસાફરોને વડોદરા પહોંચાડી દેશે. હાલ દિલ્હીથી વડોદરા સુધી જવા માટે સીધા બે જ રોડ હતા. એક રસ્તો જયપુર, ભીલવાડા અને ઉદયપુરના માર્ગે. તો બીજો લક્ષ્મણગઢ, લાલસોટ અને કોટાના માર્ગે.
દિલ્હી અને વડોદરા વચ્ચેનું અંતર આશરે 1000 કિલોમીટરનું છે, પણ નવા એક્સપ્રેસ વેને લીધે આ રસ્તો 845 કિ.મી.નો જ રહી જશે. દિલ્હીથી વડોદરા સુધીના સેક્શનને 12000 કરોડના ખર્ચે તૈયાર કરાયો છે. તેનો સૌથી વધુ 373 કિ.મી.નો હિસ્સો રાજસ્થાનમાંથી આ ઉપરાંત મધ્યપ્રદેશથી 244 કિ.મી. પસાર થાય છે. ઉલ્લેખનીય છે કે દિલ્હી-મુંબઈ એક્સપ્રેસ વેનો સોહનાથી દૌસા સુધીનો સેક્શન પહેલાં જ ચાલુ કરી દેવાયો હતો. આ રોડ પર તમે 120 કિ.મી. પ્રતિકલાકની ઝડપે ગાડી દોડાવી શકશે. રોડ 8 લેન હશે અને કનેક્ટિવિટી મજબૂત હશે.
