ચારધામમાં રેકોર્ડબ્રેક : દરરોજ 40 હજારથી વધુ શ્રદ્ધાળુઓ હેમકુંડ પહોંચી રહ્યા છે

ચારધામ યાત્રા આ વખતે એક નવા રેકોર્ડ તરફ આગળ વધી રહી છે. ગત વખતની સરખામણીએ આ વખતે ચારધામ યાત્રા માટે શ્રદ્ધાળુઓની સંખ્યામાં નોંધપાત્ર વધારો થયો છે. જો કે, ઓગસ્ટમાં ઘણી જગ્યાએ મુસાફરીના રૂટ બ્લોક થવાને કારણે યાત્રાને ખરાબ અસર થઈ હતી પરંતુ હવે હવામાન ચોખ્ખું થયા બાદ સપ્ટેમ્બર અને ઓક્ટોબરની સિઝનમાં મોટી સંખ્યામાં લોકો ફરવા આવી રહ્યા છે.
વર્ષ 2022માં સૌથી વધુ 46 લાખ 27 હજાર 292 શ્રદ્ધાળુઓએ હેમકુંડ સાહિબ અને ચારધામની મુલાકાત લીધી હતી. જ્યારે, આ વર્ષે આ આંકડો પ્રવાસને લગભગ દોઢ મહિના બાકી રહેતાં વટાવી ગયો હતો. ખાસ વાત એ છે કે, આ વર્ષે રેકોર્ડ સંખ્યામાં શ્રદ્ધાળુઓ ગંગોત્રી અને યમુનોત્રી ધામ પહોંચ્યા છે. જ્યારે કેદારનાથમાં શ્રદ્ધાળુઓની સંખ્યા ગયા વર્ષના આંકડાની નજીક પહોંચી ગઈ છે.
હાલમાં દરરોજ 40 હજારથી વધુ શ્રદ્ધાળુઓ હેમકુંડ અને ચારધામ પહોંચી રહ્યા છે. મોટાભાગના યાત્રિકો કેદારનાથ પહોંચ્યા અને દર્શન કરીને પરત ફર્યા હતા, આ વર્ષે કેદારનાથ આવેલા ભાવિકોની સંખ્યા 1531946 રહી છે. જ્યારે બદ્રીનાથ આવેલા ભાવિકોની સંખ્યા 1457755, જ્યારે ગંગોત્રી આવેલા ભાવિકોની સંખ્યા 816362 રહી છે. યમુનોત્રી આવેલા ભાવિકોની સંખ્યા 673462 રહી છે. જ્યારે હેમકુંડ આવેલા ભાવિકોની સંખ્યા 168057 રહી છે.