ડિફેન્ડિંગ ચેમ્પિયન ઈંગ્લેન્ડને વર્લ્ડ કપ 2023ની પહેલી જ મેચમાં ન્યૂઝીલેન્ડ સામે 9 વિકેટથી હારનો સામનો કરવો પડ્યો હતો. આ જીત સાથે ન્યૂઝીલેન્ડે 2019 વર્લ્ડ કપની ફાઇનલમાં ઇંગ્લેન્ડ સામે મળેલી હારનો બદલો પણ લઇ લીધો છે.
નરેન્દ્ર મોદી સ્ટેડિયમમાં ન્યૂઝીલેન્ડે ટોસ જીતીને ઇંગ્લિશ ટીમને બેટિંગ માટે આમંત્રણ આપ્યું હતું. ઇંગ્લિશ ટીમે 50 ઓવરમાં 9 વિકેટે 282 રન બનાવ્યા હતા. 283 રનના લક્ષ્યાંકને ન્યૂઝીલેન્ડના ટોપ-3 બેટ્સમેનોએ 36.2 ઓવરમાં હાંસલ કરી લીધો હતો. ટીમે એક વિકેટ ગુમાવીને મેચ જીતી લીધી હતી. ડેવોન કોનવે અને રચિન રવીન્દ્રએ અણનમ સદી ફટકારી હતી. બંને વચ્ચે 273 રનની રેકોર્ડ ભાગીદારી થઈ હતી.
