હાઈબ્રીડ ડ્રગ્સ મામલે રશિયન પેડલરની ધરપકડ

સાયબર ક્રાઇમે ઝડપેલાં હાઈબ્રીડ ડ્રગ્સનો મામલે મોટી કાર્યવાહી કરી છે. થોડા સમય પહેલા જ સાયબર ક્રાઇમ પોલીસે ગુજરાતમાં ફોરેઈન પોસ્ટ ઓફિસમાંથી અગાઉ 50 લાખનું ડ્રગ્સ ઝડપાયું હતું. પકડાયેલ ડ્રગ્સ સુરતમાં જે પાર્સલ ડિલિવરી થવાનું હતું, જેની તપાસમાં વિદેશી આરોપીની માહિતી મળી હતી. સાયબર ક્રાઇમે રશિયન ડ્રગ્સ પેડલરની ધરપકડ કરી છે.
કોલેસ નિકોવ નામના રશિયન પેડલરની ધરપકડ કરવામાં આવી છે. કોલેસ નિકોવ મૂળ ગોવા બેઈઝડ છે. પોલીસે રશિયન પેડલર પાસેથી અનેક પાસપોર્ટ પણ કબ્જે કર્યા છે. પકડાયેલ આરોપી અનેક દેશોમાં ફરીને કરતો ડ્રગ્સની હેરાફેરી કરતો હોવાનું તપાસમાં સામે આવ્યું છે. આ વિદેશી આરોપી સુરતમાં 3 વખત આવ્યો હતો. પોલીસે હાલ તો હોટલના રજીસ્ટરની પણ તપાસ શરૂ કરી છે. પક્ડાયેલ રશિયન પેડલર આરોપી જયપુર, મુંબઇ, કલકત્તા અને કોચીનમાં રહી ચુક્યો છે. ભારતમાં વર્ષ 2020માં આવ્યો છે, 7માં મહિનામાં વિઝા પૂર્ણ થયા બાદ પણ પોતાના દેશ પરત નહતો ફારૃઓ અને વિઝા વગર ભારતમાં રોકાયેલો હતો.
આરોપી ફેક વિઝા લેટર બનાવીને ભારતની હોટલોમાં રોકાતો હતો. પોલીસ તપાસમાં એ પણ ખુલાસો થયો છે કે આરોપીની અગાઉ મુંબઈમાં એક વિસ્તારમાં પ્રતિબંધિત વિસ્તારમાં ફોટોગ્રાફી મામલે ધરપકડ થઈ હતી. પોલીસે હાલ તો મનાલીથી રશિયન ડ્રગ્સ પેડલરની ધરપકડ કરી છે. રશિયન પેડલર કોલેસ નિકોવ અનેક શહેરમાં હોટલમાં રોકાતો ત્યારબાદ વિદેશથી આવેલું પાર્સલ રિસીવ કરી સ્પીડ પોસ્ટમાં ગોવા મોકલતો હતો.