ભારત-પાકિસ્તાનની મેચને લઇને ક્રિકેટ સટ્ટા પર સૌ કોઇની નજર છે. મેચના આગળના દિવસથી બુકીઓએ ભાવ ખોલ્યા હતા, જેમાં ભારતની ટીમ જીત માટે હોટ ફેવરીટ માનવામાં આવી રહી છે જેમાં હાર-જીત પર શરૂ થયેલા સટ્ટામાં ભારત તરફથી સૌથી વધારે 75 ટકાથી વધારે સટ્ટો રમાયો છે. પાકિસ્તાનની જીતની શક્યતા 25 ટકા છે. મેચનો ટોટસ સ્કોર 300થી વધારે અને પાવર પ્લેમાં સૌોથી વધારે રન તેમજ અલગ અલગ સેશન પર પણ સટ્ટો ભારતની તરફેણમાં છે.
સામાન્ય રીતે જ્યારે ભારતના હોમગ્રાઉન્ડ પર મેચ હોય ત્યારે મેચ ફિક્સ કરીને જીતવાની તક વધારવામાં આવે છે તેમાં પણ પાકિસ્તાન સામેની મેચમાં ભારત પર જીતનું દબાણ હોય છે તે માટે કરોડો રૂપિયા કમાવવા માટે બુકીઓ દ્વારા ઉપરથી જ મેચ ફીક્સ કરી દેવામાં આવી હોવાથી પણ ભારતને હોટ ફેવરીટ માનવામાં આવી રહ્યું છે.
ભારત-પાકિસ્તાનની મેચને લઇને કરોડો ક્રિકેટ પ્રેમીઓએ સાથે સટ્ટો રમતા સટ્ટોડિયા અને બુકીઓમાં ઉત્સાહ જોવા મળી રહ્યો છે. ભારત-પાકિસ્તાનની મેચના આગળના દિવસે દુબઇથી બુકીઓએ ભાવ ખોલ્યા હતા. જેમાં શરૂઆતના ટ્રેન્ડથી જ ભારતની ટીમ હોટ ફેવરિટ બની રહી છે. આ મેચમાં સટ્ટાનો આંક પાંચ હજાર કરોડને પાર થવાની શક્યતા પણ વધી છે. સૌથી વધારે સટ્ટો ડીસા અને ભાભરની લાઇનથી બુક કરવામાં આવી રહ્યો છે. આ ઉપરાંત નાના સટ્ટોડિયાઓ પાસેથી સટ્ટો બુક કરાવવા માટે મોબાઇલ ફોનથી સટ્ટો રમાડતા યુવકોની સંખ્યા પણ વધી છે.
