અભિનેત્રી નિકિતા રાવલના ચાહકો માટે એક ચિંતાજનક સમાચાર સામે આવ્યા છે. કહેવામાં આવી રહ્યું છે કે અભિનેત્રી પાસેથી લાખો રૂપિયાની લૂંટ થઈ છે. આ લૂંટ અભિનેત્રીના ઘરે જ થઈ હતી. તેના પર બંદૂક તાકી અને પછી તેના ઘરના કર્મચારીએ તેની પાસેથી પૈસા લૂંટી લીધા.
બંદૂકની અણીએ લાખોની લૂંટ
‘ગરમ મસાલા’ અને ‘બ્લેક એન્ડ વ્હાઈટ’ ફિલ્મોમાં કામ કરી ચૂકેલી અભિનેત્રી નિકિતા રાવલના ઘરેથી 3.5 લાખ રોકડા, સોનાના કેટલાક દાગીના અને પ્લેટિનમની વીંટી ચોરાઈ હતી. તેના નોકર સહિત કેટલાક ગુંડાઓ ચોરીમાં સામેલ હતા. આ ઘટના બાદ અભિનેત્રીએ મુંબઈ પોલીસ પાસે મદદ માગી છે. તેણે મુંબઈ પોલીસમાં એફઆઈઆર પણ નોંધાવી હતી. દરમિયાન અભિનેત્રીએ જણાવ્યું કે, જ્યારે તેણે લૂંટારાઓને રોકવાનો પ્રયાસ કર્યો તો તેને જાનથી મારી નાખવાની ધમકીઓ મળી હતી. આટલું જ નહીં તેના પર બંદૂક પણ તાકી હતી. પોલીસે આ કેસમાં તાત્કાલિક કાર્યવાહી કરીને બે લોકોની ધરપકડ કરી હતી.
નોકરે ગળું કાપી નાખવાની આપી હતી ધમકી
અભિનેત્રીની આ લૂંટમાં તેના ઘરનો નોકર પણ સામેલ હતો. નિકિતાએ જણાવ્યું કે, તેના નોકરે તેની ગરદન કાપી નાખવાની ધમકી આપી હતી. અભિનેત્રીએ પોતાની ફરિયાદમાં એમ પણ કહ્યું છે કે, છેલ્લા કેટલાક દિવસોથી ઘરમાંથી ક્યારેક સામાન તો ક્યારેક 10-15 હજાર રૂપિયાની ચોરી થઈ રહી હતી. પોલીસનું કહેવું છે કે, આ અકસ્માત માટે તેમનો નોકર જવાબદાર છે, જેની ધરપકડ કરવામાં આવી છે.
અભિનેત્રી આ ફિલ્મોમાં જોવા મળી હતી
નિકિતા રાવલના ફિલ્મી કરિયરની વાત કરીએ તો તેણે ઘણી ફિલ્મોમાં કામ કર્યું, પરંતુ તે સફળ અભિનેત્રી તરીકે પોતાની ઓળખ બનાવી શકી નહીં. તેણે બ્લેક એન્ડ વ્હાઈટમાં અનિલ કપૂર સાથે અને ગરમ મસાલામાં જોન અને અક્ષય કુમાર સાથે કામ કર્યું હતું. આ સિવાય તેણે ટોલીવુડ ઈન્ડસ્ટ્રીમાં પણ કામ કર્યું છે.
