NATO દેશના મહત્ત્વના સભ્ય તુર્કીના રાષ્ટ્રપતિ રિસેપ તૈયપ એર્દોગને ઇઝરાયેલ પર હુમલો કરનારા પેલેસ્ટાઇની સંગઠન હમાસનો બચાવ કર્યો છે. એર્દોગને બુધવારે
પાર્ટીના સાંસદો સાથે મુલાકાત કરી હતી અને આ દરમિયાન ઇઝરાયેલ પર આરોપ પણ લગાવ્યો હતો. એર્દોગને કહ્યું- હું ઇઝરાયેલ નહીં જાઉં. હમાસ આતંકી સંગઠન નથી, તેના મેમ્બર્સ આઝાદીના જંગમાં ભાગ લેનારા મુજાહિદ્દીન છે. તે પોતાની જમીન અને નાગરિકોને બચાવવાનો પ્રયાસ કરી રહ્યાં છે. અમે નાગરિકો પર હુમલાની વિરૂદ્ધ છીએ, ભલે તે ઇઝરાયેલી કેમ ના હોય.
ગાઝામાં અત્યાર સુધી 6546 લોકોના મોત; હમાસે કહ્યું-7 હજાર ઘાયલોના જીવને ખતરો
ઇઝરાયેલ અને હમાસ વચ્ચે જંગનો 20મો દિવસ છે. હમાસના કબ્જા ધરાવતા ગાઝાની હેલ્થ મિનિસ્ટ્રીના નિવેદન અનુસાર ગાઝામાં અત્યાર સુધી 6546 લોકોના મોત થયા છે જેમાં 2704 બાળકો અને 1584 મહિલાઓ છે. મંગળવાર અને બુધવારે 756 લોકો માર્યા ગયા છે. એક રિપોર્ટ અનુસાર ગાઝામાં 1600 લોકોના ગાયબ થવાના સમાચાર છે જેમાંથી 900 બાળકો પણ સામેલ છે. બની શકે કે કેટલાક લોકો અને બાળકો ઇઝરાયેલી બોમ્બમારામાં બિલ્ડિંગના કાટમાળમાં દબાયેલા હોય. 149 પરિવાર એવા છે જેમના ઘરના 10થી વધુ સભ્ય માર્યા ગયા છે. આ એક રીતે પુરા પરિવારનો ખાત્મો છે. UN તરફથી ગાઝા અને આસપાસના વિસ્તારોમાં કુલ મળીને 150 રેફ્યૂઝી કેમ્પ ચલાવવામાં આવી રહ્યા છે જેમાંથી 6 લાખથી વધુ રેફ્યૂઝી હાજર છે. ચોકાવનારી વાત આ છે કે ગાઝામાં મુશ્કેલીથી રાહત સામગ્રી પહોંચી રહી છે પરંતુ તેને વહેંચવા માટે જે વાહન છે તેમાં પેટ્રોલ પણ નથી.
