ઇઝરાયલ-હમાસ યુદ્ધ દરમિયાન ઇઝરાયલની સેનાએ ગાઝામાં પોતાના ગ્રાઉન્ડ એટેક અને ઘૂસણખોરી વધારી દીધી છે. ઇઝરાયલ ડિફેન્સ ફોર્સના સૈનિકોનાં રવિવારે દરોડા પછી ગાઝામાં પોતાનો ધ્વજ ફરકાવ્યો હતો. તે જ સમયે, ગાઝામાં લોકો ટોર્ચલાઇટ સાથે કાટમાળમાં તેમના પ્રિયજનો અને ગુમ થયેલા સંબંધીઓના મૃતદેહોને શોધી રહ્યા છે.
ટાઈમ્સ ઓફ ઇઝરાયલના અહેવાલ મુજબ ઇઝરાયલ બોર્ડર પાસે નોર્થ ગાઝાના ઈરેઝ શહેરમાં હમાસના આતંકીઓ ઇઝરાયલની સેના સાથે અથડામણ થઈ હતી. આ આતંકીઓ સુરંગમાંથી બહાર આવ્યા અને સૈનિકો પર હુમલો કરવા લાગ્યા. સેનાનું કહેવું છે કે તેઓએ અહીં ઘણા આતંકીઓને માર્યા છે.
ઇઝરાયલની સેનાનું કહેવું છે કે હમાસના મુખ્ય અને અન્ય મોટા ઠેકાણાઓ હોસ્પિટલો, શાળાઓ, મસ્જિદો હેઠળ છે. હમાસ ટનલથી કામ કરે છે. આ સંગઠનને જડમૂળથી ઉખેડવા માટે ગાઝાના ટનલ નેટવર્કને નષ્ટ કરવું પડશે. તે જ સમયે, હમાસનું કહેવું છે કે તેણે આ સુરંગોમાં બંધકોને રાખ્યા છે.
પેલેસ્ટિનિયનો UN રિલીફ એજન્સીમાં ઘુસ્યા:ગાઝામાં સિવિલ એડમિનિસ્ટ્રેશન ફેઇલ
ગાઝામાં રહેતા હજારો પેલેસ્ટિનિયનો સંયુક્ત રાષ્ટ્રની રાહત અને કાર્ય એજન્સીના વેરહાઉસ અને વિતરણ કેન્દ્રમાં પ્રવેશ્યા. અહીં રાહત સામગ્રી રાખવામાં આવી હતી. લોટ જેવી રોજીંદી ઉપયોગની ચીજવસ્તુઓ ખરીદવા લોકો અહીં ઉમટી પડ્યા હતા. અંદર પ્રવેશ્યા બાદ લોકોમાં સામાન લેવા માટે હરીફાઈ થઈ હતી.
