ગાઝાના સૌથી મોટા શરણાર્થી શિબિર પર બીજી વખત હુમલો

ઇઝરાયલ અને હમાસ વચ્ચેના યુદ્ધનો 26મો દિવસ છે. અલ જઝીરા અનુસાર, ઈઝરાયલે ઉત્તરી ગાઝાના સૌથી મોટા જબાલિયા શરણાર્થી કેમ્પને બીજી વખત નિશાન બનાવ્યું. અગાઉ મંગળવારે રાત્રે અહીં હુમલો થયો હતો.
ઇઝરાયલી સેનાએ મંગળવારે રાત્રે થયેલા હુમલામાં હમાસના વરિષ્ઠ કમાન્ડર ઇબ્રાહિમ બિઆરી સહિત 50 લડવૈયાઓને માર્યા હોવાનો દાવો કર્યો છે. તે જ સમયે, હમાસ દ્વારા નિયંત્રિત ગાઝાના આરોગ્ય મંત્રાલયે કહ્યું હતું કે ઇઝરાયલના હુમલામાં ડઝનેક લોકોના મોત થયા છે. સેંકડો લોકો ઘાયલ થયા હતા. દરમિયાન, આ વિસ્તારમાં સંચાર વિક્ષેપને કારણે શરણાર્થી શિબિરમાં બીજા હુમલા સાથે સંબંધિત માહિતી હજુ સુધી બહાર આવી નથી. ગાઝાના જબાલિયા વિસ્તારમાં આવેલ શરણાર્થી શિબિર લગભગ 1.4 ચોરસ કિલોમીટર વિસ્તારમાં ફેલાયેલો છે.
ઇઝરાયલી હુમલાઓ વચ્ચે ગાઝામાં કોમ્યુનિકેશન અને ઇન્ટરનેટ સેવાઓ ફરી ઠપ થઇ ગઇ છે, જેના કારણે ગાઝાના 20 લાખથી વધુ લોકો દુનિયાના સંપર્કથી દૂર થઈ ગયા છે. અહીં ઇઝરાયલી સેનાએ કહ્યું હતું કે આ દરમિયાન તેના 11 સૈનિકે પણ જીવ ગુમાવ્યો. અત્યારસુધીમાં કુલ 326 જવાન શહીદ થયા છે.