મધ્યપ્રદેશના ઈન્દોરમાં પ્રચાર કરવા આવેલા કોંગ્રેસ મહાસચિવ પ્રિયંકા ગાંધીના મંચ પર એક ખૂબ જ રમુજી ઘટના બની જ્યારે એક નેતાએ તેમને ગુલદસ્તો આપ્યો. ચૂંટણી સભાના મંચ પર કોંગ્રેસ મહાસચિવ પ્રિયંકા ગાંધી વાડ્રાના સ્વાગત દરમિયાન પાર્ટીના એક સ્થાનિક નેતાએ તેમને ખાલી ગુલદસ્તો આપ્યો અને આ જોઈને પ્રિયંકા પોતે પણ હસવાનું રોકી ન શકી. આ ઘટનાનો વીડિયો પણ સોશિયલ મીડિયા પર વાયરલ થયો છે.
જ્યારે ચૂંટણી સભાને સંબોધિત કરવા માટે ઇન્દોર-5 વિધાનસભા ક્ષેત્રમાં પહોંચેલી પ્રિયંકાનું સ્ટેજ પર સ્વાગત કરવામાં આવી રહ્યું હતું, ત્યારે કોંગ્રેસના સ્થાનિક નેતાએ તેમને ખાલી ગુલદસ્તો આપ્યો હતો. આ ગુલદસ્તામાં થોડાં જ પાંદડાં હતાં અને તેના ફૂલો ક્યાંક ખરી પડ્યાં હતાં. જ્યારે પ્રિયંકાએ જોયું તો તેણે હસતાં હસતાં કોંગ્રેસ નેતાને કહ્યું કે તેમાં કોઈ ફૂલ નથી. જેને લઈને કોંગ્રેસના નેતાઓએ શરમ અનુભવી હતી.
આ સમગ્ર ઘટનાનો વીડિયો સોશિયલ મીડિયામાં વાયરલ થઇ રહ્યો છે. આ વિડિયો પર કટાક્ષ કરતા ભારતીય જનતા પાર્ટીના પ્રવક્તા રાકેશ પાઠકે તેને ‘ગુલદસ્તા’ કૌભાંડ ગણાવ્યો હતો. તેણે પોતાના X (ટ્વિટર) પર લખ્યું, ગુલદસ્તા કૌભાંડ, ગુલદસ્તામાંથી ફૂલ ગાયબ થઈ ગયું. ટુકડી પકડાઈ ગઈ છે.
