અમદાવાદમાં નરેન્દ્ર મોદી સ્ટેડિયમ ખાતે વર્લ્ડ કપની ૨૦૨૩ની ફાઈનલ મેચ રમાવાની છે. આ મેચ વધારે યાદગાર બની રહે તેવા પ્રયાસ કરવામાં આવી રહ્યા છે. ભારત- ઓસ્ટ્રેલિયા વચ્ચે રમાનારી વર્લ્ડ કપની ફાઈનલ મેચમાં વડાપ્રધાન મોદી ખાસ હાજર રહેવાના છે. હજુ સુધી વડાપ્રધાનનો મિનિટ ટુ મિનિટ કાર્યક્રમ આવ્યો નથી.
ઓસ્ટ્રેલિયાના વડાપ્રધાન એન્થોની અલ્બેનીઝ અને ડેપ્યુટી પીએમ રિચર્ડ માર્લ્સને પણ આ મેચ જોવા માટે આમંત્રણ આપવામાં આવ્યું છે. જો કે, હજુ બંને તરફથી પુષ્ટિની રાહ જોવાઈ રહી છે ઓસ્ટ્રેલિયા 8મી વખત ફાઈનલ રમશે. જ્યારે વર્લ્ડ કપમાં ભારતીય ટીમની આ ચોથી ટાઈટલ મેચ હશે.
મેચને લઇને શહેર પોલીસ છાવણીમાં ફરવાશે. અનેક વીવીઆઇપીઓ મેચ નિહાળવા આવી શકે છે તથા છઠ પૂજા હોવાના કારણે ઇન્દિરા બ્રિજ ખાતે પણ લોકોની ભીડ રહેશે જેથી બંને સ્થળે પોલીસનો ચુસ્ત બંદોબસ્ત ગોઠવવામાં આવશે. એરપોર્ટથી સ્ટેડીયમ સુધી VVIP મૂવમેન્ટ રહેશે. વિશ્વકપની ક્લોઝિંગ સેરમેનીને લઈ બોલીવુડ સ્ટાર પણ આવશે. દિગ્ગજોની હાજરીના કારણે નેશનલ એજન્સીઓ અને ગુજરાત પોલીસ એલર્ટ મોડમાં આવી ગઇ છે.
