ચંદ્રયાન-3 લોન્ચ કરનાર LVM3 M4 લોન્ચ વ્હીકલનો એક ભાગે કન્ટ્રોલ ગુમાવ્યો છે અને પૃથ્વીના વાતાવરણમાં ફરી પ્રવેશ કર્યો છે. ઈન્ડિયન સ્પેસ રિસર્ચ ઓર્ગેનાઈઝેશન દ્વારા બુધવારે આ માહિતી જણાવવામાં આવી હતી.
જે ભાગ નિયંત્રણમાંથી બહાર આવ્યો તે લોન્ચ વ્હીકલનો ક્રાયોજેનિક ઉપલા તબક્કો હતો, જેણે 14 જુલાઈના રોજ ચંદ્રયાન-3ને તેની ધારેલી ભ્રમણકક્ષામાં મૂક્યો હતો. ઈસરોએ કહ્યું- આ ભાગ 15 નવેમ્બર બુધવારે બપોરે 2:42 કલાકે પૃથ્વીના વાતાવરણમાં પ્રવેશ્યો હતો અને પેસિફિક મહાસાગરમાં પડ્યો. તેના નિયંત્રણ બહાર જવાનું કારણ હજુ સ્પષ્ટ થયું નથી. તેનો અંતિમ ગ્રાઉન્ડ ટ્રેક ભારતમાંથી પસાર થયો નથી.
ઈસરોના નિવેદન અનુસાર, NORAD ID 57321 નામના આ રોકેટ બોડીએ ચંદ્રયાન-3ના લોન્ચના 124 દિવસ બાદ પૃથ્વી પર ફરી પ્રવેશ કર્યો. ચંદ્રયાન-3ને ભ્રમણકક્ષામાં સ્થાપિત કર્યા પછી ઉપરનો તબક્કો પણ પેસિવેશનની પ્રક્રિયામાંથી પસાર થયું. પેસિવેશનમાં રોકેટમાં હાજર પ્રોપેલન્ટ અને એનર્જી સ્ત્રોતને દૂર કરવામાં આવ્યા હતા, જેથી અવકાશમાં વિસ્ફોટનું જોખમ ઘટાડી શકાય. આ પ્રક્રિયા ઇન્ટર-એજન્સી સ્પેસ ડેબ્રિસ કોઓર્ડિનેશન એજન્સી (IADC) અને સંયુક્ત રાષ્ટ્રની ગાઈડલાઈન હેઠળ આવે છે.
