અમદાવાદ મ્યુનિસિપલ કોર્પોરેશન દ્વારા યોજવામાં આવેલા કાંકરિયા કાર્નિવલ 2023 દરમિયાન 7 દિવસમાં 25.50 લાખ લોકો આવ્યા હતા. કાંકરિયા પરિસરમાં યોગા, અરોબિક્સ, ઝુમ્બા, લાફિંગમાં કુલ 4057 કલાકારો તથા મુલાકાતીઓએ ભાગ લીધો હતો. વ્યાયામશાળાના મેદાનમાં બાળનગરીમાં બાળકોને મનોરંજન તેમજ સાહસમાં વધારો કરે તેવી મંકી બ્રીજ, ટાયર ટનલ, ટાયર ચીમની, ટાયર જંપ, ટનલ વોકીંગ, હેંગીગ બ્રીજ, રેત શીલ્પ તેમજ સર્કલ ટાયર જંપ જેવી પ્રવૃતિઓનો બાળકોઓએ ઉસ્તાહભેર ભાગ લઈ ભરપુર આનંદ માણેલ. જેમાં અંદાજીત 21450 મુલાકાતીઓએ ભાગ લીધો હતો. અટલ એક્ષપ્રેસ તથા સ્વર્ણિમ જયંતિ એકસપ્રેસ ટ્રેનમાં સમગ્ર કાર્નિવલ દરમ્યાન કુલ મ્યુનિસિપલ સ્કુલ બોર્ડના 1074 બાળકો તથા 23964 મુલાકાતીઓએ કાંકરિયાની ફરતે અટલ એક્સપ્રેસ તથા સ્વર્ણિમ જયંતિ ટ્રેનમાં સવારી કરી આનંદ માણ્યો હતો.
કાંકરિયા પરિસરમાં 200 જેટલા બાળકોએ સ્કેટીંગમાં તથા ગુજરાત પોલીસ દ્વારા રાખવામાં આવેલ ડોગ શોમાં 165 કલાકારો તથા મુલાકાતીઓ દ્વારા ભાગ લેવામાં આવ્યો હતો. કાર્નિવલ દરમિયાન ત્રણેય સ્ટેજ ઉપરથી જુદાજુદા સાંસ્કૃતિક કાર્યક્રમ રજૂ કરવામાં આવ્યા જેમ કે, તબલાં પર્ફોમન્સ, જુદા-જુદા હિન્દી, ગુજરાતી ગીત સંગીત, લોક ડાયરો, કલ્ચરલ ડાન્સ, શાસ્ત્રીય સંગીત, ગઝલ, ડોગ શો, ફયુઝન ડાન્સ જેવા સાંસ્કૃતિક કાર્યક્રમોમાં 2500થી વધુ કલાકારો દ્વારા પર્ફોમન્સ કરવામાં આવેલ. તદુપરાંત કિર્તીદાન ગઢવી, અરૂણ દેવ, દિવ્યા ચૌધરી, પાર્થ ઓઝા, મીરાન્દે શાહ અને બંકીમ પાઠક જેવા નામાંકીત કલાકારો દ્વારા પર્ફોમન્સ કરવામાં આવેલ, જેમાં કાર્નિવલમાં હાજર રહેલા હતા અને વિશાળ જનમેદનીએ મજા માણી હતી.
