મોઢેરા સૂર્ય મંદિર ખાતે સૂર્ય નમસ્કાર કાર્યક્રમ

રાજ્યના વિશ્વવિખ્યાત મોઢેરાના સૂર્યમંદિરમાં સૂર્ય નમસ્કારનો કાર્યક્રમ યોજાયો હતો, મુખ્યમંત્રી, ગૃહરાજ્યમંત્રી સહિત ટોચનાં નેતાઓએ હાજરી આપી હતી મોઢેરા સહિત આઇકોનીક સ્થળ શર્મિષ્ઠા તળાવ અને હાટકેશ્વર મંદિર ખાતે પણ સૂર્યનમસ્કાર કરવામાં આવ્યું હતું. મોઢેરા સૂર્યમંદિર ખાતે રાજ્ય કક્ષાના સૂર્યનમસ્કાર સમારોહમાં 2500થી વધુ લોકોએ એક સાથે સૂર્યનમસ્કાર કર્યા
આજે રાજ્યના 51 સ્થળોએ સૂર્યનમસ્કાર યોજીને ગીનીઝ બુક ઓફ વર્લ્ડ રેકોર્ડ નોંધાયો હતો. સૂર્ય નમસ્કાર સ્પર્ધામાં વિજેતા સ્પર્ધોને પુરસ્કાર વિતરણ કરવામાં આવ્યું હતું. ગૃહરાજ્યમંત્રી હર્ષ સંઘવીએ સોશીયલ મિડીયા પર પોસ્ટ લખી છે, જેમાં લખ્યું છે કે વર્ષ નો પ્રથમ દિવસ અને એમાં પણ સૂર્યની પ્રથમ કિરણ જે સૂર્ય મંદિર ઉપર પડે છે એવા સૂર્ય મંદિર ખાતે ગુજરાત ના યુવાઓ સાથે આજે સૌથી વધારે સંખ્યા માં સૂર્યનમસ્કાર કરવાનો વીશ્વ વિક્રમ નોંધીશુ.