ઘોઘા તાલુકાના ખરકડી ગામમાં બાઈક પર જઈ રહેલા દંપતીને અટકાવી બે શખ્સે યુવકને માર મારી તેના પત્નીને ભૂંડા બોલી ગાળો અને ધમકી આપતા યુવકે બંને વિરુદ્ધ વરતેજ પોલીસ મથકમાં ફરિયાદ નોંધાવી હતી.
આ બનાવ અંગે પ્રાપ્ત વિગત મુજબ ભાવનગરના ભડી ગામમાં રહેતા વિશાલભાઈ રામજીભાઈ મકવાણા અને તેમના પત્ની જયશ્રીબેન તા.૩૧/૧૨ ના રોજ નવાગામ ચિરોડા સીમંતના પ્રસંગે ગયા હતા અને ત્યાંથી મોટરસાઇકલ પર તેમના સસરા ના ઘરે ખોખરા જઈ રહ્યા હતા ત્યારે ખરકડી ગામના પાદરમાં એક બુલેટ સવાર તેમજ એકટીવા સ્કૂટર પર સવાર ઇસમોએ બાઈક પર જઈ રહેલા દંપતીને અટકાવી તે મારી સામે કેમ જાેયું તેમ કહી વિશાલભાઈ મકવાણાને ઢીકા પાટુનો માર માર્યો હતો અને તેમના પત્ની જયશ્રીબેનને પણ ગાળો આપી હતી. તેમજ જતા જતા અમે માથાભારે માણસો છીએ તેમ કહી જાનથી મારી નાખવાની ધમકી આપી હતી.
આ બનાવ અંગે વિશાલભાઈ રામજીભાઈ મકવાણાએ બે અજાણ્યા શખ્સ વિરુદ્ધ વરતેજ પોલીસ મથકમાં ફરિયાદ નોંધાવી હતી.
