ભાવનગરના ભાલ વિસ્તારમાં આવેલ ગાંગાવાડા બોર્ડર વિસ્તારમાં રાત્રિના સમયે શિકાર કરવા આવેલા ત્રણ અજાણ્યા શખ્સ વિભાગના સ્ટાફને જોઈને ફરાર થઈ ગયા હતા. વન વિભાગની ટીમે જામગીરી બંદૂક, છરી તેમજ બાઈક કબજે કરી ફરાર થઈ ગયેલા ઈસમો વિરુદ્ધ વેળાવદર ભાલ પોલીસ મથકમાં ફરિયાદ નોંધાવી હતી.
આ બનાવ અંગે પ્રાપ્ત વિગત મુજબ વેળાવદર રેન્જ ફોરેસ્ટ વિભાગનો સ્ટાફ ભાવનગર તાલુકાના બોર્ડર વિસ્તારમાં રાત્રિના સમયે પેટ્રોલિંગમાં હતો તે દરમિયાન બાવળીયાળી સીમના પાળા પાસે ત્રણ અજાણ્યા શખ્સ મોટરસાઇકલ ઉપર શિકાર કરવા નીકળ્યા હોય વન વિભાગના સ્ટાફે તેમને પડકારતા ત્રણેય ઈસમો મોટરસાઇકલ છોડી અંધારામાં ફરાર થઈ ગયા હતા. વન વિભાગની ટીમને તપાસ કરતા એક જામગીરીવાળી બંધુક તેમજ એક છરો મળી આવતા બાઈક બંધુક તેમજ છરો કબજે કર્યો હતો.
આ અંગે કાળિયાર રાષ્ટ્રીય ઉદ્યાનના રેન્જ ફોરેસ્ટ ઓફિસર અને વાઇલ્ડ લાઈફ વોર્ડન દિલીપભાઈ ગોવિંદભાઈ ગઢવીએ વેળાવદર ભાલ પોલીસ મથકમાં ફરિયાદ નોંધાવી હતી.
