બિહારના પૂર્ણિયામાં પૂર્વ ડેપ્યુટી સીએમ તેજસ્વી યાદવની જનવિશ્વાસ યાત્રા દરમિયાન કાફલામાં સામેલ એક ગાડી કાર સાથે અથડાઈ હતી. અકસ્માતમાં એસ્કોર્ટ કારના ડ્રાઈવરનું મોત થયું હતું. આ અકસ્માતમાં 8 જવાન ઘાયલ થયા છે. જેમાંથી 3ની હાલત નાજુક હોવાનું કહેવાય છે. દરેકને જીએમસીએચ પૂર્ણિયામાં દાખલ કરવામાં આવ્યા છે.
તેજસ્વીના કાફલાની ગાડી રોંગ સાઇડથી આવી રહી હતી. કારે સામેથી આવતી કારને જોરથી ટક્કર મારી હતી. આ અકસ્માત મોફસ્સિલ પોલીસ સ્ટેશન વિસ્તારમાં NH 131-A પૂર્ણિયા-કટિહાર મુખ્ય માર્ગ પર બેલૌરી અપ્સરા મંગલ ભવન પાસે થયો હતો. જે કાર તેજસ્વીના કાફલા સાથે ટકરાઈ તે કટિહારથી ફારબિસગંજ જઈ રહી હતી. તેમાં 5 લોકો હતા. મહિલા અને બે વ્યક્તિઓની હાલત ગંભીર છે. મહિલાની લાઈન બજાર સ્થિત સન રાઈઝ હોસ્પિટલમાં સારવાર ચાલી રહી છે. મહિલાનું નામ ચાંદની દેવી છે.
