જેમ્સ એંડરસને સર્જ્યો ઇતિહાસ : 700 વિકેટ લેનાર વિશ્વનો પ્રથમ ફાસ્ટ બોલર

ટેસ્ટ ઈતિહાસમાં ઈંગ્લેન્ડ માટે સૌથી વધુ વિકેટ લેનાર ઝડપી બોલર જેમ્સ એન્ડરસને ધર્મશાલા ટેસ્ટમાં એક મોટી સિદ્ધિ હાંસલ કરી છે. એન્ડરસને અહીં કુલદીપ યાદવને આઉટ કરીને ટેસ્ટ કારકિર્દીની 700મી વિકેટ લીધી હતી. આ સિદ્ધિ મેળવનાર તે વિશ્વનો પ્રથમ ઝડપી બોલર અને એકંદરે ત્રીજા બોલર છે. તેની પ્રથમ 700 વિકેટની ક્લબમાં બે સ્પિનરો મુથૈયા મુરલીધરન (800) અને શેન વોર્ન (708)ના નામ સામેલ છે. એન્ડરસનનું નિશાન હવે શેન વોર્નનો રેકોર્ડ હશે.
41 વર્ષીય એન્ડરસને અહીં હિમાચલ પ્રદેશ ક્રિકેટ એસોસિએશન સ્ટેડિયમ ખાતે ભારત સામેની 5મી અને અંતિમ ટેસ્ટ મેચનો ત્રીજો દિવસ ઈંગ્લેન્ડ ક્રિકેટ માટે યાદગાર બનાવ્યો. આ મેચ પહેલા એન્ડરસન 700 વિકેટના આંકડાથી માત્ર 2 વિકેટ દૂર હતો. તેણે પોતાની કારકિર્દીની 187મી ટેસ્ટ મેચમાં આ સિદ્ધિ મેળવી હતી.