વડાપ્રધાન નરેન્દ્ર મોદીએ જનમેદનીમાં ઉભેલ એક વૃદ્ધ વ્યક્તિ પાસે પગપાળા ગયા અને તેમના ચરણ સ્પર્શ કર્યા

વડાપ્રધાન નરેન્દ્ર મોદીએ આજે ​​અમદાવાદની નિશાન ઉચ્ચતર માધ્યમિક શાળામાં મતદાન કર્યું. મતદાન કરતા પહેલા PM મોદી જ્યારે જનમેદનીમાં ઉભેલ એક વૃદ્ધ વ્યક્તિ પાસે પગપાળા ગયા અને તેમના ચરણ સ્પર્શ કર્યા. મતદાન મથક પર ઉભેલા આ વ્યક્તિને દેશના વડાપ્રધાન મતદાન કરતા પહેલા ચરણ સ્પર્શ કરતા તમામને કૌતુક થયું હતું. લોકો પણ આશ્ચર્યચકિત થઈ ગયા હતા. આ સંપૂર્ણ દૃશ્ય કેમેરામાં કેદ થયું હતું. અને ટીવી પર પણ લોકો દેશના વડાપ્રધાનની આ નમ્રતા જોઈ દંગ થઈ ગયા થયા હતા. આ વૃદ્ધ વ્યક્તિના આર્શીવાદ લીધા બાદ PM મોદીએ કેન્દ્રની બહાર ઉભેલા કેટલાક લોકોને ઓટોગ્રાફ પણ આપ્યા.