ઉત્તર પૂર્વ દિલ્હીના કોંગ્રેસના ઉમેદવાર કન્હૈયા કુમારને શુક્રવારે (17 મે) પ્રચાર દરમિયાન એક યુવકે થપ્પડ મારી હતી. ઈન્ડિયા ગઠબંધનના ઉમેદવાર કન્હૈયા કુમાર ઉત્તર પૂર્વ દિલ્હીમાં ભાજપના મનોજ તિવારી સામે ચૂંટણી લડી રહ્યા છે.
આ ઘટનાનો વીડિયો વાયરલ થયો હતો. જે વીડિયોમાં કન્હૈયા પર હુમલો બતાવવામાં આવ્યો છે, તેમાં એક વ્યક્તિને “કન્હૈયાને મારવામાં આવશે” એમ કહેતા સાંભળી શકાય છે. આટલું કહેતાં જ કાળો ટી-શર્ટ પહેરેલો એક યુવક હાથમાં માળા લઈને કન્હૈયાને હાર પહેરાવવાના બહાને તેના ચહેરા પર થપ્પડ મારી દે છે.
થોડી જ વારમાં ત્યાં હાજર ભીડ તે વ્યક્તિને ઘેરી લે છે અને તેની મારપીટ કરે છે. વીડિયોમાં કેટલાક લોકોના શર્ટ પર લોહી પણ દેખાઈ રહ્યું છે. કન્હૈયાને કેટલી ઈજા થઈ છે તે હજુ જાણી શકાયું નથી. બદમાશોએ આમ આદમી પાર્ટી (AAP)ની મહિલા કાઉન્સિલર છાયા ગૌરવ શર્મા સાથે પણ ગેરવર્તણૂક કરી હતી. આ બનાવ અંગે તેણે પોલીસ ફરિયાદ નોંધાવી હતી.
