ઓસ્ટ્રેલિયાની એક ડોમેસ્ટિક ફલાઇટ પશ્ચિમ તટે રહેલા પર્થથી મેલબોર્ન જતી હતી ત્યાં અચાનક જ એક આદમી તદ્દન નિર્વસ્ત્ર થઈ સીટોની બે હાર વચ્ચેની જગા -એઇઝલ-માં તદ્દન નિર્વસ્ત્ર અવસ્થામાં દોડતા ઘડીભર તો સહપ્રવાસીઓમાં હડકંપ મચી ગયો હતો. અને ફલાઇટ તુર્ત જ પાછી ફેરવવામાં આવી હતી અને પર્થના વિમાનગૃહે જ પોલીસે તેની ધરપકડ કરાઈ હતી. તેમ અધિકારીઓએ મંગળવારે જણાવ્યું હતું.
સોમવારે રાત્રે આ શરમજનક ઘટના બની હતી જેમાં વર્જીન-એરવેઝની ફલાઇટ નંબર વીએ 696 પર્થના વિમાનગૃહેથી ઉપડી ત્યારે થોડા સમયમાં જ એક યાત્રીએ પોતાના વસ્ત્રો કાઢી નાખ્યા હતાં અને એઇઝલ વચ્ચે દોડવા લાગ્યો હતો. વિમાનના પાયલોટસ સમક્ષ વિમાનના પ્રવાસીઓ વિષે સીસીટીવી ઉપર તમામ દ્રશ્ય દેખાતા જ હોય છે. તેથી પાયલોટે તુર્ત જ વિમાન પર્થના વિમાનગૃહે પાછુ વાળ્યું અને તે બેશરમ પ્રવાસીને પોલીસને સોંપી દીધો હતો.
