ઝિકા વાયરસના કેસ ફરી એક વખત સામે આવ્યા લાગ્યા છે. મહારાષ્ટ્રના પુણેમાં અત્યાર સુધીમાં ઝીકા વાયરસના 6 કેસ સામે આવી ચુક્યા છે. બે સગર્ભા સ્ત્રીઓ પણ સંક્રમણની ચપેટમાં છે. આરોગ્ય વિભાગના અધિકારીઓ હાલમાં દર્દીઓ પર નજર રાખી રહ્યા છે.
મહારાષ્ટ્રના પુણેમાં ઝિકા વાયરસ ફેલાઈ રહ્યો છે. શહેરમાં સંક્રમણના 6 કેસ સામે આવ્યા છે. ખાસ વાત એ છે કે આમાં બે ગર્ભવતી મહિલાઓ પણ સામેલ છે. આરોગ્ય વિભાગના અધિકારીઓના જણાવ્યા અનુસાર, પુણેના એરંડવાને વિસ્તારની 28 વર્ષની ગર્ભવતી મહિલામાં ઝીકા વાયરસનું સંક્રમણ જોવા મળ્યું છે. મહિલાનો રિપોર્ટ પોઝિટિવ આવ્યો છે. આ સિવાય વધુ એક 12 સપ્તાહની ગર્ભવતી મહિલા ઝિકા વાયરસથી સંક્રમિત હોવાનું જાણવા મળ્યું છે. હાલ બંને મહિલાઓની હાલત સ્થિર છે.
હકીકતમાં, જો સગર્ભા સ્ત્રીઓ ઝિકા વાયરસનો શિકાર બને છે, તો ગર્ભમાં માઇક્રોસેફલી થઈ શકે છે. આ એવી સ્થિતિ છે જેમાં મગજના અસામાન્ય વિકાસને કારણે માથું ખૂબ નાનું થઈ જાય છે. પુણેમાં ઝીકા વાયરસના સંક્રમણનો પહેલો કેસ એરંડવાને વિસ્તારમાંથી જ સામે આવ્યો હતો, જયારે 46 વર્ષીય ડોકટરનો રિપોર્ટ પોઝિટીવ આવ્યો હતો. ડોક્ટર પછી તેમની દીકરીનો રિપોર્ટ પણ પોઝિટીવ આવ્યો હતો. આ સિવાય બે સંક્રમિત મુંધવા વિસ્તારમાં મળ્યા છે, એમાંથી એક 47 વર્ષીય મહિલા અને બીજો 22 વર્ષીય વ્યક્તિ છે.
