મધ્યપ્રદેશ સરકારે 24 કલાકમાં સૌથી વધુ વૃક્ષો વાવવાનો બનાવ્યો વર્લ્ડ રેકોર્ડ

મધ્યપ્રદેશ સરકારે ઈન્દોરમાં 24 કલાકમાં સૌથી વધુ રોપા/વૃક્ષો વાવવાનો વર્લ્ડ રેકોર્ડ બનાવ્યો છે. રેકોર્ડ રેકોર્ડ બાદ મુખ્યમંત્રી ડો.મોહન યાદવે ગીનીસ બુક ઓફ વર્લ્ડ રેકોર્ડનું પ્રમાણપત્ર મેળવ્યું.
ઈન્દોરે એક દિવસમાં સૌથી વધુ (9.26 લાખ) રોપાઓ વાવવાનો આસામનો વર્લ્ડ રેકોર્ડ તોડ્યો છે અને 11 લાખથી વધુ રોપાઓ વાવીને પોતાના નામે નવો રેકોર્ડ નોંધાવ્યો છે. મુખ્યમંત્રી મોહન યાદવ, મંત્રી કૈલાશ વિજયવર્ગીયએ ગિનિસ બુક ઓફ વર્લ્ડ રેકોર્ડનું પ્રમાણપત્ર લીધું અને શહેરવાસીઓને અભિનંદન પાઠવ્યા. ઈન્દોરના રહેવાસીઓએ 12 કલાકમાં 11 લાખ રોપા વાવ્યા.
ઈન્દોરમાં રવિવારે સવારે 6 વાગ્યાથી રેવતી રેન્જમાં 11 લાખ રોપા વાવવાનું અભિયાન શરૂ થયું હતું. સૂર્યોદય પછી, ઇન્દોરના લોકો ટેકરી પર રોપાઓ વાવવા ભેગા થયા. મંત્રી કૈલાશ વિજયવર્ગીય અને મેયર પુષ્ય મિત્ર ભાર્ગવ સાથે અધિકારીઓએ વૃક્ષારોપણ કર્યું હતું. ઇન્દોરના લોકોએ આસામના ડિબ્રુગઢમાં 9.26 લાખના રેકોર્ડને તોડી નાખ્યો. સાંજે 5.30 વાગ્યા સુધીમાં ઈન્દોરમાં 11 લાખથી વધુ રોપાઓ વાવવામાં આવ્યા અને ઉજવણી શરૂ થઈ. મંત્રી વિજયવર્ગીય અને મેયર પુષ્ય મિત્ર ભાર્ગવે ડાન્સ કરીને ખુશી વ્યક્ત કરી હતી.