કૉંગ્રેસના એક નેતા પ્રેસ કોન્ફરન્સ કરી રહ્યા હતા ત્યારે તેમને કાર્ડિયાક અરેસ્ટ થયો અને કૅમેરાની સામે તેમનું અવસાન થયું. કર્ણાટક કોંગ્રેસના નેતા સીકે રવિચંદ્રન સોમવારે બેંગલુરુ પ્રેસ ક્લબમાં હાર્ટએટેકનો ભોગ બન્યા ત્યારે તેઓ બોલી રહ્યા હતા. તેના એક હાથમાં માઈક અને બીજા હાથમાં કાગળ હતો. બોલતા બોલતા તે અચાનક થોડીક સેકન્ડ માટે થંભી ગયા. તેને એવો આઘાત લાગ્યો કે પછી તેઓ કઈ બોલિ ન શક્યા. કોઈ કંઈ સમજે તે પહેલા જ તેઓ ખુરશી પરથી નીચે ઢળી પડ્યા હતા. આ બધું સેકન્ડોમાં થયું અને કૉંગ્રેસના નેતાનું કેમેરા સામે મોત થઈ ગયું.
તેમને હોસ્પિટલ લઈ જવામાં આવ્યા પરંતુ ત્યાં સુધીમાં તેનું મોત થઈ ગયું હતું. પ્રેસ કોન્ફરન્સનો વિડીયો સોશિયલ મીડિયા પર વાયરલ થયો છે અને લોકો ફરી એકવાર મોતની વધતી ઘટનાઓથી ગભરાઈ ગયા છે. સીકે રવિચંદ્રન બેંગલુરુ કોંગ્રેસના કદાવર નેતા હતા. તેઓ કર્ણાટક રાજ્ય પછાત વર્ગ અને લઘુમતી સંઘના સભ્ય પણ હતા. સીએમ સિદ્ધારમૈયાએ રવિચંદ્રનના નિધન પર શોક વ્યક્ત કર્યો છે.
કોંગ્રેસ નેતા પ્રેસ કોન્ફરન્સ કરી રહ્યા હતા ને કેમેરાની સામે જ થયું મોત
કાર્ડિયાક અરેસ્ટથી ક્ષણભરમાં મૃત્યુ થયું : લાઈવ કેમેરાની સામે જ બધું થયું
