ઉત્તરાખંડમાં છેલ્લા 24 કલાકથી પડી રહેલા ભારે વરસાદને કારણે ગંગા, કોસી અને કાલી નદીઓમાં પૂર આવ્યું છે. પ્રશાસને લોકોને નદી કિનારે ન જવાની અપીલ કરી છે. ભૂસ્ખલનને કારણે 200 રસ્તાઓ પણ બંધ છે. ચારધામ યાત્રા રોકી દેવામાં આવી છે. બીજી તરફ ઉત્તરપ્રદેશના બુંદેલખંડમાં પણ ભારે વરસાદ પડી રહ્યો છે. જાલૌન, મહોબા, લલિતપુરમાં નદીઓમાં પૂર આવ્યું છે. ઝાંસીમાં 3 દિવસમાં 267mm વરસાદ નોંધાયો છે.
મધ્યપ્રદેશના ગ્વાલિયર-ચંબલમાં આસન, ક્વારી, સિંધ અને ચંબલ નદીઓ વહેતી થઈ છે. અનેક જગ્યાએ પુલો ઉપરથી પાણી વહી રહ્યા છે. જેના કારણે 100થી વધુ ગામો સંપર્કવિહોણાં થઈ ગયા છે. મુરેનામાં ભારે વરસાદના કારણે ટ્રેક્ટર-ટ્રોલી નાળામાં પડી હતી. તેમાં 3 લોકો તણાઈ ગયા હતા. એકને બચાવી લેવામાં આવ્યો છે, જ્યારે અન્ય બેની શોધ ચાલુ છે. તેમજ, ધર્મપુરામાં 6 વર્ષના બાળકનું ડૂબી જવાથી મોત થયું હતું.
