ઉત્તર પ્રદેશના બહરાઈચમાં સ્થિતિ કાબૂ બહાર થઈ ગઈ છે. હજારોના ટોળાએ હોસ્પિટલને આગ ચાંપી દીધી હતી. અનેક શોરૂમ અને દુકાનો બળીને ખાખ. ભીડ જોઈને પોલીસે પીછેહઠ કરવી પડી હતી. નજીકના 6 જિલ્લામાંથી ફોર્સ અને પીએસીને બોલાવવામાં આવ્યા છે. હિંસા પ્રભાવિત વિસ્તારમાં ઈન્ટરનેટ બંધ કરી દેવામાં આવ્યું છે.
રવિવારે હરડી વિસ્તારમાં દુર્ગા મૂર્તિ વિસર્જન દરમિયાન ડીજે વગાડવા બાબતે અન્ય સમુદાય સાથે વિવાદ થયો હતો. આ દરમિયાન હિંસા ફાટી નીકળી હતી. પથ્થરમારો અને આગચંપી સાથે 20થી વધુ રાઉન્ડ ફાયરિંગ થયું હતું. જેમાં 22 વર્ષના રામ ગોપાલ મિશ્રાનું મોત થયું હતું. બહરાઈચના હિંસા પ્રભાવિત વિસ્તારોમાં ઈન્ટરનેટ બંધ કરી દેવામાં આવ્યું છે. જો કે અધિકારીઓએ આ અંગે કોઈ માહિતી આપી ન હતી. પરંતુ, મહસી, હરડી તાલુકામાં ઇન્ટરનેટ કામ કરતું નથી.
30 લોકોની અટકાયત : પોલીસ સ્ટેશન ઈન્ચાર્જ અને આઉટપોસ્ટ ઈન્ચાર્જને સસ્પેન્ડ
ડીએમ મોનિકા રાનીએ કહ્યું કે એફઆઈઆરમાં લગભગ 25 લોકો સામેલ છે, જે લોકો હિંસામાં સામેલ છે તેમની સામે કડક કાર્યવાહી કરવામાં આવશે. સમગ્ર ઘટનાની વિડીયોગ્રાફી કરવામાં આવી છે, કોણ બેફામ તત્ત્વ છે અને તેમાં કોની ભૂમિકા હતી તે જાણવા માટે તપાસ કરવામાં આવશે. તે જ સમયે, એસપીએ કહ્યું કે પોલીસ સ્ટેશનના ઈન્ચાર્જ અને મહસી ચોકીના ઈન્ચાર્જને તેમની ફરજમાં બેદરકારી બદલ સસ્પેન્ડ કરવામાં આવ્યા છે. સમગ્ર ઘટનાની ઝીણવટભરી તપાસ કરવામાં આવી રહી છે, કોઈને પણ બક્ષવામાં આવશે નહીં. હાલ હંગામો મચાવનારની શોધખોળ ચાલી રહી છે. 30 લોકોની અટકાયત કરવામાં આવી છે.
