નાયબ સૈની આજે બીજી વખત CM પદના લેશે શપથ

હરિયાણામાં નાયબ સૈની આજે બીજી વખત મુખ્યમંત્રી પદના શપથ લેશે. શપથ ગ્રહણ સમારોહ પંચકુલાના દશેરા ગ્રાઉન્ડમાં લગભગ 1.15 વાગ્યે યોજાશે. જેમાં વડાપ્રધાન નરેન્દ્ર મોદી મુખ્ય અતિથિ તરીકે હાજરી આપશે.
તેમની સાથે 18 રાજ્યોના મુખ્યમંત્રીઓ પણ ભાગ લેશે. જેમાં અરુણાચલ પ્રદેશ, આંધ્રપ્રદેશ, આસામ, બિહાર, છત્તીસગઢ, ગોવા, ગુજરાત, મધ્યપ્રદેશ, મહારાષ્ટ્ર, મણિપુર, મેઘાલય, નાગાલેન્ડ, ઓડિશા, પુડુચેરી (યુટી), રાજસ્થાન, સિક્કિમ, ત્રિપુરા, ઉત્તર પ્રદેશ અને ઉત્તરાખંડના મુખ્યમંત્રી સામેલ થશે. બીજેપીના રાજ્ય મીડિયા પ્રભારી અરવિંદ સૈનીએ કહ્યું કે રાજકીય દિગ્ગજો ઉપરાંત ખેલાડીઓ, ઉદ્યોગપતિઓ, ડોક્ટરો, વકીલો અને સામાજિક કાર્યકરોને પણ આ કાર્યક્રમમાં આમંત્રણ આપવામાં આવ્યું છે. કાર્યક્રમમાં લગભગ 50 હજાર લોકો હાજરી આપશે.
નાયબ સૈનીની સાથે 11 ધારાસભ્યો મંત્રી તરીકે શપથ લઈ શકે છે. આમાં ધારાસભ્યો રાવ નરબીર, આરતી રાવ, શ્રુતિ ચૌધરી, રણબીર ગંગવા, કૃષ્ણ લાલ મિઢા, રામ કુમાર ગૌતમ, મહિપાલ ધંડા, અનિલ વિજ, શ્યામ સિંહ રાદૌર, વિપુલ ગોયલ, મૂળચંદ શર્મા અને ગૌરવ ગૌતમના નામ લગભગ નિશ્ચિત માનવામાં આવે છે. આ સિવાય ધારાસભ્ય રાજેશ નાગરનું નામ પણ હોઈ શકે છે.