જાપાનમાં શનિવારે ટોક્યોથી ઓસાકા જતી બુલેટ ટ્રેનમાં ઝોમ્બી થીમ પર એક ઈવેન્ટ યોજાઈ હતી. ટ્રેનમાં મુસાફરી કરતા લોકો અચાનક તેમની આસપાસ ઝોમ્બીઓને જોઈને રોમાંચિત થઈ ગયા.આ એડવેન્ટર્સ ટ્રીપમાં 40 લોકોએ ભાગ લીધો હતો. આ ઇવેન્ટ હેલોવીન ડેના 2 અઠવાડિયા પહેલાઉજવવામાં આવી હતી. ટ્રેનમાં આ ઇવેન્ટ વિશ્વની પ્રથમ હોન્ટેડ ઇવેન્ટ હતી. અઢી કલાકની મુસાફરી દરમિયાન મુસાફરો આહોન્ટેડ હાઉસમાં રોકાયા હતા.
કોવાગરસેતાઈ સંસ્થા દ્વારા આ કાર્યક્રમનું આયોજન કરવામાં આવ્યું હતું. કોવાગરસેતાઈનો અર્થ થાય છે ડરાવનાર. આ જૂથ ઘણીવાર ભૂતિયા કાર્યક્રમોનું આયોજન કરે છે. ઈવેન્ટ ઓર્ગેનાઈઝર કેન્ટા ઈવાનાએ જણાવ્યું કે તેઓ આંખના પલકારામાં બુલેટ ટ્રેનને તુટી પડતી બતાવવા માગતા હતા. આ ઇવેન્ટ 2016ની કોરિયન ફિલ્મ ટ્રેન ટુ બુસાનથી પ્રેરિત હતી. આ ફિલ્મમાં એક વ્યક્તિ તેની પુત્રી સાથે ઝોમ્બીઓથી ભરેલી ટ્રેનમાં ફસાઈ જાય છે.
આ પહેલા પણ આ બુલેટ ટ્રેનમાં રેસલિંગ મેચ સહિત અનેક ઈવેન્ટ્સ થઈ ચૂક્યા છે. આ ટ્રેનમાં મુસાફરો ખાનગી પાર્ટીઓ માટે પણ કોચ બુક કરાવી શકશે. હકીકતમાં, જાપાનમાં કોવિડ -19 પછી લાંબા અંતરની ટ્રેનોમાં મુસાફરોની સંખ્યામાં ઘટાડો થયો હતો. આ પછી, બિઝનેસ વધારવા માટે રેલ્વેએ ખાસ ઇવેન્ટ્સ માટે કોચ ભાડે આપવાનું શરૂ કર્યું. જાપાન રેલ્વેના પ્રવાસન વિભાગની કર્મચારી મેરી ઇઝુમીએ જણાવ્યું હતું કે જ્યારે કોવાગરસેટાઈ ગ્રૂપે તેનો ઝોમ્બી-થીમ આધારિત પ્રવાસ વિશે સંપર્ક કર્યો, ત્યારે તેણે પહેલા વિચાર્યું કે આ કરવું અશક્ય છે. આ ઈવેન્ટના સફળ આયોજન બાદ તેમને લાગે છે કે આવા ઈવેન્ટની સાથે ટ્રેનમાં મ્યુઝિક અને કોમેડી શોનું પણ આયોજન કરી શકાય છે.
