2020માં ગલવાન અથડામણ પછી આજે પ્રથમ વખત મળશે મોદી અને જિનપિંગ

રશિયાના કઝાન શહેરમાં બ્રિક્સની 16મી સમિટ ચાલી રહી છે. વડાપ્રધાન મોદી આજે ચીનના રાષ્ટ્રપતિ શી જિનપિંગ સાથે મુલાકાત કરશે. એલએસી પર તણાવ ઘટાડવાની જાહેરાત બાદ બંને વચ્ચે દ્વિપક્ષીય વાતચીત થશે. બંને નેતાઓ 2 વર્ષ બાદ મળશે. 2020માં ગલવાન અથડામણ પછી સંબંધોમાં તણાવ પછી આવું પ્રથમ વખત થશે.
આ સિવાય પીએમ મોદી આજે બ્રિક્સ દેશોની સમિટમાં ભાગ લેશે. આ સમિટ બે સત્રમાં યોજાશે. આજે બંધ રૂમમાં સત્ર થશે. તેને ક્લોઝ્ડ પ્લેનરી કહેવામાં આવે છે. આજે સાંજે ઓપન પ્લેનરી થશે. પીએમ અહીં ઘણા દેશોના નેતાઓ સાથે દ્વિપક્ષીય વાતચીત પણ કરશે. શિખર સંમેલન અને દ્વિપક્ષીય વાટાઘાટો પૂર્ણ થયા બાદ પીએમ આજે જ ભારત જવા રવાના થશે.