રતલામમાં ઇ-બાઈક ચાર્જ કરતી વખતે વિસ્ફોટને કારણે એક મકાનમાં આગ લાગી હતી. આ અકસ્માતમાં એક 11 વર્ષની બાળકીનું મોત નીપજ્યું હતું જ્યારે બાળકીના નાના સહિત બે લોકો દાઝી ગયા હતા. તેમને હોસ્પિટલમાં દાખલ કરવામાં આવ્યા છે. જે ઇ-બાઈકમાં વિસ્ફોટ થયો હતો તે બે દિવસ પહેલા જ રિપેર કરવામાં આવી હતી.
આ અકસ્માત P&T કોલોનીમાં ભગવત મોરેના ઘરે શનિવાર-રવિવારની વચ્ચેની રાત્રે લગભગ 2.30 વાગ્યે થયો હતો. આ અકસ્માતમાં તેમની પૌત્રી અંતરા ચૌધરીનું મોત થયું હતું. વિસ્ફોટનો અવાજ સાંભળીને પડોશીઓ જાગી ગયા હતા. તેઓ મદદ માટે દોડ્યા. જાણ થતાં પોલીસ અને ફાયર બ્રિગેડ પણ ઘટનાસ્થળે પહોંચી ગયા હતા અને આગ પર કાબૂ મેળવ્યો હતો. આગમાં ઘરવખરીનો સામાન પણ બળીને ખાખ થઈ ગયો હતો.
