ચર્ચ અને સ્કૂલમાંથી પણ ગેરકાયદેસરના માઇગ્રન્ટ્સની ધરપકડ કરો

ગેરકાયદે માઇગ્રન્ટ્સને પ્રવેશવા બંને ફેડરલ એજન્સીઓ ઉપરોક્ત બંને સ્થળોએ જઈ શકતી ન હતી. ટ્રમ્પ વહીવટીતંત્રએ ચર્ચ અને સ્કૂલો જેવા સંવેદનશીલ સ્થળોએથી પણ ઇમિગ્રેશન અધિકારીઓને ગેરકાયદેસરના માઇગ્રન્ટ્સની ધરપકડ ન કરવાની દાયકા જૂનીની ત્યજી દઈને તેઓને છૂટ આપી છે. તેના લીધે અમેરિકામાં વસતા માઇગ્રન્ટ્સમાં રીતસરનું ભયનું વાતાવરણ છવાઈ ગયું છે.
ડિપાર્ટમેન્ટ ઓફ હોમલેન્ડ સિક્યોરિટીએ ગુરુવારે તેના નિવેદનમાં જણાવ્યું હતું કે આ પગલાંના લીધે સીબીપી અને આઇસીઇના હિમતવાન પુરુષ અને મહિલા કર્મચારીઓ આપણા ઇમિગ્રેશન કાયદાનો ભંગ કરીને આવનારા ગેરકાયદે વસાહતીઓ સામે પગલાં લઈ શકશે, તેમા હત્યારાઓ અને બળાત્કારીઓનો સમાવેશ થાય છે. આ ગુનેગારો હવે અમેરિકન સ્કૂલો અને ચર્ચોમાં છૂપાઈને તેમની ધરપકડ ટાળી નહી શકે. ઇમિગ્રેશન એન્ડ કસ્ટમ્સ એન્ફોર્સમેન્ટ ગાઇડન્સ 2011માં આવી હતી. કસ્ટમ્સ એન્ડ બોર્ડર પ્રોટેકશનને 2013માં જ આવી ગાઇડન્સ અપાઈ હતી.
ટ્રમ્પે ગેરકાયદેસરના માઇગ્રન્ટસ પર તેની એજન્સીઓને તૂટી પડવાની અને તેમા પણ શાળા અને કોલેજોમાં પણ જઈ કાર્યવાહી કરવાની છૂટ આપતા માઇગ્રન્ટ્સ તેમના સંતાનોને સ્કૂલે મોકલતા ડરવા લાગ્યા છે. અમેરિકામાં વિવિધ સ્કૂલોમાં જતાં હોય તેવા ગેરકાયદે માઇગ્રન્ટ્સના 7.33 લાખ બાળકો છે. આ બધા માઇગ્રન્ટ્સ હવે તેમના સંતાનોને લઈને ચિંતિત છે.