શુક્રવારે સુપ્રીમ કોર્ટે ધારાવી રિડેવલપમેન્ટ પ્રોજેક્ટ (DRP) માટે ચાલી રહેલા બાંધકામ પર રોક લગાવવાનો ઇનકાર કર્યો હતો. ઉપરાંત તેણે અદાણી ગ્રુપની તરફેણમાં બોમ્બે હાઈકોર્ટના નિર્ણયને ઉથલાવી દેવાનો ઇનકાર કર્યો હતો. યુએઈ સ્થિત સેકલિંક ટેક્નોલોજીસ કોર્પોરેશન દ્વારા દાખલ કરાયેલી અરજી પર સુનાવણી કરતા કોર્ટે કહ્યું કે પ્રોજેક્ટ પર કામ શરૂ થઈ ગયું છે, જેમાં કેટલાક રેલવે ક્વાર્ટર્સને તોડી પાડવાનો પણ સમાવેશ થાય છે.
સેકલિંકે સેકલિંકની અગાઉની બિડને નકારી કાઢ્યા પછી ધારાવી પ્રોજેક્ટ અદાણી પ્રોપર્ટીઝ લિમિટેડને આપવાના મહારાષ્ટ્ર સરકારના નિર્ણયને પડકાર્યો હતો.ભારતના મુખ્ય ન્યાયાધીશ (CJI) સંજીવ ખન્ના અને ન્યાયાધીશ પીવી સંજય કુમારની બેન્ચે જણાવ્યું હતું કે, બોમ્બે હાઈકોર્ટનો નિર્ણય વાજબી છે કારણ કે રેલવે લાઇનનો પણ વિકાસ કરવામાં આવશે અને તેને પ્રોજેક્ટમાં સમાવવામાં આવશે. કોર્ટે મહારાષ્ટ્ર સરકાર અને અદાણી પ્રોપર્ટીઝને નોટિસ જારી કરીને જવાબ માંગ્યો છે. આગામી સુનાવણી 25 મેના રોજ થશે. ધારાવી પ્રોજેક્ટ માટે મૂળ રૂ.7200 કરોડની બોલી લગાવનાર સેકલિંક ટેક્નોલોજીસે સુપ્રીમ કોર્ટને જાણ કરી હતી કે તે તેની બોલી 20 ટકા વધારવા તૈયાર છે. બેન્ચે સેકલિંકને તેની સુધારેલી બિડની વિગતો આપતું સોગંદનામું દાખલ કરવાનો નિર્દેશ આપ્યો.
