ઓવરબ્રિજ પરથી પસાર થતી કાર પર ડમ્પર પલટી જતાં એક જ પરિવારના 6 લોકોના મોત

રાજસ્થાનમાં ગમખ્વાર અકસ્માતમાં છ લોકોના મોત થયા છે. બિકાનેરમાં ડમ્પર કાર પર પલટી ગયો હતો આ અકસ્માતમાં એક જ પરિવારના છ લોકોના જીવ ગયા છે. જાણવા મળ્યા મુજબ બધા લગ્ન સમારોહમાંથી પરત ફરી રહ્યા હતા. બુધવારે મોડી રાત્રે રાજસ્થાનના બિકાનેર જિલ્લાના દેશનોકમાં એક મોટો માર્ગ અકસ્માત થયો હતો, જેમાં એક ડમ્પર કાર પર પલટી જતાં કારમાં મુસાફરી કરી રહેલા 6 લોકોના ઘટનાસ્થળે જ મોત થયા હતા. આ બધા લોકો લગ્ન સમારોહમાંથી પરત ફરી રહ્યા હતા.
બિકાનેર જિલ્લાના દેશનોકમાં ગઈકાલે મોડી રાત્રે એક ભયાનક માર્ગ અકસ્માત થયો હતો, જેમાં 6 લોકોના દુઃખદ મોત થયા હતા. ઓવરબ્રિજ પરથી પસાર થતી કાર પર ડમ્પર પલટી જતાં આ અકસ્માત થયો હતો. બધા મૃતકો એક જ પરિવારના હોવાનું કહેવાય છે, જેઓ લગ્ન સમારોહમાં હાજરી આપીને નોખા પરત ફરી રહ્યા હતા. પોલીસના જણાવ્યા અનુસાર આ અકસ્માત દેશનોક ઓવરબ્રિજ પર સવારે લગભગ 2.30 વાગ્યે થયો હતો. ઓવરસ્પીડે દોડતુ એક ડમ્પર અચાનક કાબુ બહાર થઈ ગયું અને કાર પર પલટી ગયું. ડમ્પરના ભારે વજનથી કાર સંપૂર્ણપણે કચડાઇ ગઈ હતી, જેના કારણે કારમાં સવાર તમામ 6 લોકોના ઘટનાસ્થળે જ મોત થયા હતા. અકસ્માત બાદ ઓવરબ્રિજ પર લાંબો ટ્રાફિક જામ થઈ ગયો હતો.
પ્રત્યક્ષદર્શીઓના જણાવ્યા અનુસાર કાર અને ડમ્પર બંને એક જ દિશામાં જઈ રહ્યા હતા. ડમ્પર પલટી જવાને કારણે કારમાં સવાર લોકોને બચવાનો કોઈ મોકો મળ્યો નહીં. ઘટનાની માહિતી મળતાં દેશનોક પોલીસ ઘટનાસ્થળે પહોંચી અને કારમાં સવાર લોકોને મદદ કરવા માટે ક્રેન અને ત્રણ જેસીબીની મદદથી ટ્રોલીને બાજુ પર ધકેલી દેવાનો પ્રયાસ કર્યો. મૃતદેહોને બિકાનેરની પીબીએમ હોસ્પિટલના શબઘરમાં મોકલી દેવામાં આવ્યા છે. કહેવામાં આવી રહ્યું છે કે કારમાં સવાર બધા લોકો નોખાના રહેવાસી હતા અને દેશનોકમાં લગ્ન સમારોહમાં હાજરી આપીને ઘરે પરત ફરી રહ્યા હતા. પોલીસ અધિક્ષકે મીડિયાને જણાવ્યું હતું કે અકસ્માતના કારણોની તપાસ કરવામાં આવી રહી છે. પ્રાથમિક તપાસમાં ઓવરલોડિંગ અને વધુ ઝડપ અકસ્માતના મુખ્ય કારણો માનવામાં આવી રહ્યા છે.