કોમેડિયન કુણાલ કામરને તમિલનાડુની કોર્ટમાંથી રાહત મળી છે. મહારાષ્ટ્રના નાયબ મુખ્ય પ્રધાન એકનાથ શિંદે પર કરેલી મજાક અંગે કાનૂની કેસોનો સામનો કરી રહેલા કામરાને તમિલનાડુના વનુરમાં જિલ્લા મુન્સિફ-કમ-જ્યુડિશિયલ મેજિસ્ટ્રેટ કોર્ટે ટ્રાન્ઝિટ આગોતરા જામીન મંજૂર કર્યા છે.
કુણાલ કામરાએ મંગળવારે મદ્રાસ હાઈકોર્ટનો સંપર્ક સાધ્યો હતો, જેમાં ટ્રાન્ઝિટ આગોતરા જામીનની માંગણી કરી હતી, જે એફઆઈઆર દાખલ કરવામાં આવી હોય તેના કરતા અલગ અધિકારક્ષેત્રમાં ધરપકડથી કામચલાઉ રક્ષણ પૂરું પાડે છે.તેમના કેસમાં ખાર પોલીસે મહારાષ્ટ્રના મુંબઈમાં FIR દાખલ કરી હતી. મદ્રાસ હાઈકોર્ટે છેલ્લી સુનાવણીમાં કુણાલ કામરાને 7 એપ્રિલ સુધી ધરપકડથી વચગાળાની સુરક્ષા આપી હતી.જસ્ટિસ સુંદર મોહને કામરાને જામીન મેળવવા માટે ઔપચારિક રીતે વનુર કોર્ટમાં હાજર થવાનો નિર્દેશ આપ્યો હતો. આ નિર્દેશ બાદ વનુર કોર્ટે વિનંતી કરેલી રાહત મંજૂર કરી હતી.
કુણાલ કામરાએ પોતાની નવી પોસ્ટમાં સરકાર પર પ્રહારો કર્યા છે. સ્ટેન્ડઅપ કોમેડિયન કુણાલ કામરાએ એક નવી પોસ્ટમાં સરકાર પર તેમના વિરુદ્ધ ઉઠેલા અવાજને દબાવવાનો આરોપ લગાવ્યો છે. તેમણે કહ્યું છે કે સરકાર તેની વિરુદ્ધ ઉઠેલા અવાજોને દબાવવા માટે આ પદ્ધતિઓ અપનાવે છે.
