ડોમિનિકન રિપબ્લિકની રાજધાની સેન્ટો ડોમિંગોમાં ભયાનક અકસ્માતના અહેવાલ સામે આવ્યા છે. સેન્ટો ડોમિંગોના પ્રખ્યાત જેટ સેટ નાઈટક્લબની છત અચાનક તૂટી પડી હતી. આ અકસ્માતમાં 79 લોકોના મોત નિપજ્યા હતા અને 155થી વધુ ઘાયલ થયા હતા. આમાં રાજકારણીઓ, રમતવીરો અને અન્ય લોકોનો સમાવેશ થતો હતો. ઘટના સમયે નાઈટક્લબમાં લાઈવ મ્યુઝિક પર્ફોર્મન્સ ચાલી રહ્યું હતું, જેના કારણે ત્યાં ભારે ભીડ હતી. દુર્ઘટનાની જાણ થતાં જ રેસ્ક્યું ટીમ દુર્ઘટના સ્થળ પર પહોંચી હતી.
નાઈટક્લબની છત ધરાશાયી થયાના લગભગ 12 કલાક પછી પણ, બચાવ ટીમો કાટમાળ નીચેથી બચી ગયેલા લોકોને બહાર કાઢી રહી હતી. કોંક્રિટ તોડવાના ડ્રીલના અવાજથી હવા ગુંજી ઉઠી હોવાથી અગ્નિશામકોએ તૂટેલા કોંક્રિટના બ્લોક્સ દૂર કર્યા અને ભારે કાટમાળ ઉપાડવા માટે લાકડાના ટુકડાઓનો ઉપયોગ કર્યો. સેન્ટો ડોમિંગોમાં એક માળના જેટ સેટ નાઇટક્લબમાં કાટમાળમાં બચી ગયેલા સંભવિત લોકોને શોધવા માટે ક્રૂ કામ કરી રહ્યા હતા, એમ સેન્ટર ઓફ ઇમરજન્સી ઓપરેશન્સના ડિરેક્ટર જુઆન મેન્યુઅલ મેન્ડેઝે જણાવ્યું હતું. ડોમિનિકન રિપબ્લિકની પ્રોફેશનલ બેઝબોલ લીગએ X પર પોસ્ટ કર્યું કે ભૂતપૂર્વ MLB પિચર ઓક્ટાવિયો ડોટેલ નું પણ મૃત્યુ થયું. અધિકારીઓએ ડોટેલને કાટમાળમાંથી બહાર કાઢ્યો હતો અને હોસ્પિટલમાં લાવ્યા હતા. લીગના પ્રવક્તા સાતોસ્કી ટેરેરોએ જણાવ્યું હતું કે ડોમિનિકન બેઝબોલ ખેલાડી ટોની એનરિક બ્લેન્કો કાબ્રેરાનું પણ મૃત્યુ થયું હતું. અધિકારીઓએ જણાવ્યું હતું કે રાષ્ટ્રીય ધારાસભ્ય બ્રે વર્ગાસનો પણ ઘાયલ થયા છે.
ઉત્તરપશ્ચિમ રાજ્ય મોન્ટેક્રિસ્ટીના ગવર્નર અને સાત વખતના મેજર લીગ બેઝબોલ ઓલ-સ્ટાર નેલ્સન ક્રુઝની બહેન નેલ્સી ક્રુઝ પણ પીડિતોમાં સામેલ હતી. તેણીએ બપોરે ૧૨:૪૯ વાગ્યે રાષ્ટ્રપતિ લુઈસ એબિનાડરને ફોન કરીને જણાવ્યું કે તે ક્લબમાં ફસાઈ ગઈ છે. ત્યારાબાદ રેસ્કયું ટીમે ગંભીર રીતે ઘાયલ ક્રુઝને હોસ્પિટલમાં ખસેડી હતી. હોસ્પિટલમાં ટૂંકી સારવાર બાદ ક્રુઝનું મોત નિપજ્યું હતું.
