રવિવારે જમ્મુ અને કાશ્મીરના રામબન જિલ્લાના બેટરી ચશ્મા વિસ્તારમાં સેનાની એક ગાડી ખીણમાં ખાબકી હતી. આ અકસ્માતમાં ત્રણ જવાનના મોત થયા હતા. સેના અને સ્થાનિક વહીવટીતંત્ર દ્વારા બચાવ કામગીરી હાથ ધરવામાં આવી રહી છે.આ પહેલા 4 જાન્યુઆરીએ બાંદીપોરા જિલ્લામાં સેનાનો ટ્રક ખીણમાં પડી જતાં ચાર જવાનના મોત થયા હતા. 2 જવાન ગંભીર રીતે ઘાયલ થયા હતા. ટ્રકમાં 6 જવાન સવાર હતા. અધિકારીઓએ જણાવ્યું કે આ અકસ્માત જિલ્લાના એસકે પાયન વિસ્તારમાં થયો હતો. અહીં ટ્રક રસ્તા પરથી ખીણમાં ખાબકી હતી.
