અમેરિકાના પૂર્વી જ્યોર્જિયામાં ફોર્ટ સ્ટીવર્ટ લશ્કરી બેઝ પર બુધવારે ગોળીબારની ઘટનામાં પાંચ સૈનિકો
ઘાયલ થયા છે. આ હુમલો લશ્કરી બેઝના 2જી આર્મર્ડ બ્રિગેડ કોમ્બેટ ટીમ વિસ્તારમાં થયો હતો. સેનાએ
તેને એક એક્ટિવ શૂટર દ્ધારા કરવામાં આવેલ હુમલો ગણાવ્યો છે.ફોર્ટ સ્ટીવર્ટના સત્તાવાર ફેસબુક પેજ
પર જાહેર કરાયેલી માહિતી અનુસાર, કાયદાકીય એજન્સીઓએ ગોળીબાર પછી તરત જ હુમલાખોરને
પકડી લીધો છે અને હવે કેમ્પસ કે આસપાસના વિસ્તારમાં કોઈ ખતરો નથી. ઘાયલોને સ્થળ પર
પ્રાથમિક સારવાર આપ્યા બાદ વિન્ન આર્મી કોમ્યુનિટી હોસ્પિટલમાં દાખલ કરવામાં આવ્યા છે. ઘટના
પછી સાવચેતી રૂપે લશ્કરી બેઝને અસ્થાયી રૂપે બંધ કરવામાં આવ્યો હતો.વ્હાઇટ હાઉસે એક નિવેદન
જાહેર કર્યું
એફબીઆઈના સવાના કાર્યાલય, સેનાના ગુનાહિત તપાસ વિભાગ (CID) સાથે મળીને આ મામલાની
તપાસ કરી રહ્યું છે. વ્હાઇટ હાઉસે પુષ્ટી કરી હતી કે રાષ્ટ્રપતિ ડોનાલ્ડ ટ્રમ્પને ઘટના વિશે જાણ કરવામાં
આવી છે અને વહીવટીતંત્ર પરિસ્થિતિ પર નજર રાખી રહ્યું છે. જ્યોર્જિયાના ગવર્નર બ્રાયન કેમ્પે આ
ઘટના પર દુ:ખ વ્યક્ત કર્યું અને કહ્યું હતું કે, “અમે સ્થાનિક તપાસ એજન્સીઓ સાથે સતત સંપર્કમાં
છીએ. આ ગોળીબારની ઘટનાએ સેનાની આંતરિક સુરક્ષા વ્યવસ્થા પર ગંભીર પ્રશ્નો ઉભા કર્યા છે. ફોર્ટ
સ્ટીવર્ટ એ અમેરિકાનું થર્ડ ઈન્ફેન્ટ્રી ડિવિઝનનું હેડક્વાર્ટર કહેવાય છે. તે એક્ટિવ અને રિઝર્વ આર્મી
યુનિટને તાલીમ આપવાનો મુખ્ય બેઝ છે. અહીં 10,000થી વધુ સૈનિકો અને તેમના પરિવારજનો,
સિવિલ કર્મચારીઓ રહે છે. આ બેઝ સાથે લગભગ 25000થી વધુ લોકો જોડાયેલા છે.
