ગંગા સ્નાન કરીને આવતા આંઠ શ્રદ્ધાળુઓના અકસ્માતમાં મોત

બિહારમાં પટનાના શાહજહાંપુર વિસ્તારમાં ગંગા સ્નાન કરીને આવી રહેલા શ્રદ્ધાળુઓને અકસ્માત નડ્યો હોવાના અહેવાલ મળ્યાં છે. ટ્રક અને રિક્ષા વચ્ચે થયેલા ભયંકર અકસ્માતમાં સાત શ્રદ્ધાળુઓનું ઘટનાસ્થળ પર જ મોત થયું જ્યારે એક વ્યક્તિનું હોસ્પિટલમાં પણ મોત થયું હોવાનું પ્રકાશમાં આવ્યું છે. ટ્રક અને રિક્ષા વચ્ચે અકસ્માતમાં રિક્ષાનો કચ્ચરઘાણ થઈ ગયો છે. આ અકસ્માત એટલો ભયંકર હતો કે, આસપાસના લોકો પણ ચોંકી ઉઠ્યાં હતાં.
અકસ્માતની વાત કરવામાં આવે તો, શાહજહાંપુરના દાનિયાવાન હિલસા સ્ટેટ હાઇવે 4 પર સિગરિયાવા સ્ટેશન પાસે આ અકસ્માત થયો હતો. જેમાં પાંચ મહિલાઓ સહિત 8 લોકોનું મોત થયું છે. દાનિયાવાન પોલીસે આ કેસમાં અકસ્માતનો ગુનો નોંધીને આગળની કાર્યવાહી હાથ ધરી દીધી છે. મળતી જાણકારી પ્રમાણે મૃતકો નાલંદા જિલ્લાના રહેવાસી હોવાનું જાણવા મળ્યું છે. અકસ્માતમાં 4થી 5 લોકો ઘાયલ થયા છે તે દર્દીઓને અત્યારે નજીકની હોસ્પિટલમાં સારવાર ખસેડવામાં આવ્યાં અને પ્રાથમિક સારવાર આપવામાં આવી રહી છે. નાલંદા જિલ્લા આ લોકો ફતુહા ત્રિવેણી ગંગા સ્થાન કરીને આવી રહ્યાં હતા. 8 લોકોનું મોત થતા પરિવારા સહિત ગ્રામજનોમાં ભારે શોકની લાગણીઓ છવાઈ છે.ટ્રક ડ્રાઈવર રિક્ષાને ટક્કર મારીને ઘટનાસ્થળેથી ફરાર થઈ ગયો હતો. આ સમગ્ર મામલે અત્યારે પોલીસ દ્વારા તપાસ શરૂ કરી દેવામાં આવી છે.