ઉત્તર અને દક્ષિણ ગુજરાતમાં આગામી બે દિવસ ભારે વરસાદની આગાહી

ગુજરાતમાં ગણેશ ઉત્સવની શરુઆત થઈ ચુકી છે. આ દરમિયાન હવામાન વિભાગે આજે રાજયમાં સાર્વત્રિક વરસાદની આગાહી કરી છે. જયારે

આગામી બે દિવસ ઉત્તર અને દક્ષિણ ગુજરાતમાં ભારે વરસાદની આગાહી કરી છે. દરિયા કાંઠાના

વિસ્તારોમાં પણ ભારે પવન સાથે વરસાદની આગાહી કરવામાં આવી છે. તેમજ માછીમારોને આગામી

બે દિવસ દરિયો ના ખેડવાની સૂચના આપવામાં આવી છે.
હવામાન વિભાગની આગાહી પ્રમાણે દક્ષિણ ગુજરાતમાં ભારે વરસાદની આગાહી કરવામાં આવી છે. જેમાં

સુરત, વલસાડ, તાપી, ડાંગ, દમણ, દાદરા નગર હવેલીમાં ભારે વરસાદની આગાહી કરવામાં આવી છે.

દક્ષિણ ગુજરાતના દરિયાકાંઠે 50 કિમીની ઝડપે પવન ફૂંકાવાની પણ શક્યતા છે.જેના પગલે

માછીમારોને 2 દિવસ દરિયો ન ખેડવા સૂચના આપવામાં આવી છે.જયારે મધ્ય ગુજરાતમાં

વડોદરા,આણંદ, ખેડામાં પણ સામાન્ય વરસાદની આગાહી કરવામાં આવી છે.
ગુજરાતમાં વરસાદની સંભાવનાને ધ્યાનમાં રાખીને તંત્ર દ્વારા પણ જરૂરી તૈયારીઓ કરવામાં આવી રહી

છે. નીચાણવાળા વિસ્તારો અને નદીકાંઠાના ગામોમાં લોકોને સાવચેત રહેવા માટે સૂચના આપવામાં

આવી છે. રાજ્યમાં અત્યાર સુધી 641.8 મીમી વરસાદ નોંધાયો છે. જે સામાન્ય કરતાં 14 ટકા વધુ છે.

સૌરાષ્ટ્ર અને કચ્છમાં કોઈ એલર્ટ જાહેર કરાયું નથી, પરંતુ હળવા ઝાપટાંની શક્યતા રહેશે. ખાસ કરીને,

બંગાળની ખાડીમાં લો-પ્રેશર સિસ્ટમના કારણે વરસાદની તીવ્રતા વધવાની શક્યતા છે.