છત્તીસગઢના અનેક જિલ્લાઓમાં ભારે વરસાદ બાદ પૂર જેવી સ્થિતિ સર્જાઈ છે. મુખ્યમંત્રી વિષ્ણુ દેવ સાયે સુકમા અને બસ્તરના પૂરગ્રસ્ત વિસ્તારોનું હવાઈ સર્વેક્ષણ કર્યું. મુખ્યમંત્રીએ જણાવ્યું કે પૂરથી અત્યાર સુધીમાં 8 લોકોનાં મોત થયા છે અને લગભગ 16 હજાર લોકોને સુરક્ષિત સ્થળે ખસેડવામાં આવ્યા છે. 571 ગામોના 22 હજાર 377 લોકો અસરગ્રસ્ત થયા છે. રાહત શિબિરોમાં અસરગ્રસ્તોને વળતરના ચેક અપાયા. મકાન નુકસાન અને પાક નુકસાનનું પણ વળતર અપાશે.
