ઉત્તર પ્રદેશના કુશીનગરમાં નારાયણી નદીનો બંધ તૂટ્યો છે. ચેઈન પટ્ટી અને જવાહી માલી એહતમાલી નજીક મોડી રાત્રે બંધમાં ભંગાણ પડતાં નદીનું પાણી આસપાસના ગામો તરફ વળ્યું છે. પાણી ગામ તરફ આગળ વધતાં સ્થાનિકોમાં ચિંતા ફેલાઈ છે. અસરગ્રસ્ત વિસ્તારોના લોકોને સાવચેતીના ભાગરૂપે સુરક્ષિત સ્થળે ખસી જવાની સલાહ આપવામાં આવી છે. વહીવટી તંત્ર દ્વારા સ્થિતિ પર નજર રાખવામાં આવી રહી છે અને લોકોને સાવચેત રહેવા અપીલ કરાઈ છે.
