પંજાબમાં ગુરુવારે અમૃતસરના અજનલા પોલીસ સ્ટેશનની બહાર ‘વારિસ દે પંજાબ’ના વડા અમૃતપાલ સિંહના સમર્થકો અને પોલીસ વચ્ચે ઉગ્ર અથડામણ થઈ હતી. આ દરમિયાન અમૃતપાલ સિંહના સમર્થકોએ તલવારો અને બંદૂકો વડે પોલીસ બેરીકેટ્સ તોડી નાખ્યા હતા. અમૃતપાલ સિંહના નજીકના સાથી લવપ્રીત તુફાન સિંહની ધરપકડના વિરોધમાં તેમના સમર્થકો અજનલા પોલીસ સ્ટેશનની બહાર એકઠા થયા હતા.
આ દરમિયાન અમૃતપાલ સિંહનું નિવેદન પણ સામે આવ્યું છે. અમૃતપાલ સિંહે કહ્યું, “FIR માત્ર રાજકીય હેતુ માટે નોંધવામાં આવી હતી.અમૃતપાલ સિંહે પોલીસને ચેતવણી આપી હતી, જો તેઓ એક કલાકમાં કેસ રદ નહીં કરે, તો આગળ જે પણ થશે તેના માટે વહીવટીતંત્ર જવાબદાર રહેશે. તેમને લાગે છે કે અમે કંઈ કરી શકતા નથી, તેથી આ શક્તિ પ્રદર્શન જરૂરી હતું. આ પહેલા અમૃતપાલ સિંહે અજનલા પોલીસ સ્ટેશનને ઘેરવાની જાહેરાત કરી હતી, જેને રોકવા માટે પંજાબ પોલીસે કડક નિયંત્રણો લગાવ્યા હતા. આ દરમિયાન અમૃતપાલ સિંહના સમર્થકો એટલી મોટી સંખ્યામાં પહોંચ્યા કે પોલીસ તેમને રોકવામાં લાચાર જણાતી હતી.
