બીસીસીઆઈએ સ્થાનિક ટૂર્નામેન્ટની ઈનામી રકમમાં ધરખમ વધારો કર્યો છે. આ સીઝનથી રણજી ટ્રોફી વિજેતાને હવે 2 રૂપિયાને બદલે 5 કરોડ રૂપિયા મળશે. સૌથી વધુ ફાયદો મહિલા ક્રિકેટની ટુર્નામેન્ટને થયો છે. મહિલા વનડે ટ્રોફીની વિજેતાને હવે છને બદલે 50 લાખ રૂપિયા અને T20 મહિલા ટ્રોફીની વિજેતાને પાંચને બદલે 40 લાખ રૂપિયા મળશે.
રણજી રનર્સ અપને ત્રણ કરોડ મળશે
બીસીસીઆઈના સચિવ જય શાહે ટ્વીટ કરીને કહ્યું કે તેઓને જણાવતા આનંદ થાય છે કે બોર્ડની તમામ ડોમેસ્ટિક ટુર્નામેન્ટની ઈનામી રકમમાં વધારો કરવામાં આવી રહ્યો છે. ભારતીય ક્રિકેટની કરોડરજ્જુ સમાન સ્થાનિક ટૂર્નામેન્ટને પ્રોત્સાહન આપવા માટે તેના તરફથી પ્રયાસો ચાલુ રહેશે.
ઈરાની કપ વિજેતાને 50 લાખ રૂપિયા મળશે
અત્યાર સુધી રણજી ટ્રોફીના વિજેતાને બે, ઉપવિજેતાને એક અને સેમી ફાઇનલિસ્ટને 50 લાખ રૂપિયા મળતા હતા. હવે વિજેતાને 5 રૂપિયા, ઉપવિજેતાને ત્રણ અને સેમી ફાઇનલિસ્ટને 1 કરોડ રૂપિયા મળશે. ઈરાની કપના વિજેતાને 25ને બદલે 50 લાખ મળશે, જ્યારે ઉપવિજેતાને પણ હવે 25 લાખ મળશે.
દુલીપ ટ્રોફીના વિજેતાને 40 લાખને બદલે 1 કરોડ રૂપિયા અને ઉપવિજેતાને 20ને બદલે 50 લાખ રૂપિયા મળશે. ODI માટે રમાયેલી વિજય હઝારે ટ્રોફીના વિજેતાને 30 લાખને બદલે એક કરોડ અને ઉપવિજેતાને 15 લાખને બદલે 50 લાખ મળશે. પ્રો. ડીબી દેવધર ટ્રોફીના વિજેતાને 25ને બદલે 40 લાખ અને ઉપવિજેતાને 15ને બદલે 20 લાખ મળશે.
સૈયદ મુશ્તાક અલી T20 ટ્રોફીના વિજેતાને 25ને બદલે 80 લાખ રૂપિયા અને ઉપવિજેતાને 10ને બદલે 40 લાખ રૂપિયા મળશે. વરિષ્ઠ મહિલા ODI ટ્રોફીની વિજેતાને છને બદલે 50 લાખ અને ઉપવિજેતાને ત્રણને બદલે 25 લાખ મળશે. વરિષ્ઠ મહિલા T20 ટ્રોફીની વિજેતાને 5 રૂપિયાને બદલે 40 લાખ રૂપિયા અને ઉપવિજેતાને 3 રૂપિયાને બદલે 20 લાખ રૂપિયા મળશે.
IPL 2023 માં રવિવાર, 16 એપ્રિલના રોજ, મુંબઈ ઈન્ડિયન્સ અને કોલકાતા નાઈટ રાઈડર્સ વચ્ચે મેચ રમાઈ હતી. આ મેચમાં KKRના કેપ્ટન નીતિશ રાણા અને મુંબઈ ઈન્ડિયન્સના ઓલરાઉન્ડર રિતિક શોકીન વચ્ચે જોરદાર ચર્ચા થઈ હતી. આ લડાઈ બંને માટે મોંઘી સાબિત થઈ. પ્રથમ દાવની નવમી ઓવર દરમિયાન રિતિક શોકીન અને નીતિશ રાણા એકબીજા સાથે અથડાયા હતા. આ માટે બંનેને દંડ ફટકારવામાં આવ્યો હતો. IPLમાં પ્રથમ વખત કેપ્ટનશીપ કરી રહેલા સૂર્યકુમાર યાદવને પણ આ મેચમાં દંડ ફટકારવામાં આવ્યો હતો. ધીમા ઓવર રેટ માટે સૂર્યાને દંડ ફટકારવામાં આવ્યો હતો.
